મુંબઈ: અનંત અંબાણી અને રાધિકા મર્ચન્ટ 12 જુલાઈના રોજ લગ્ન કરવા જઈ રહ્યા છે.લગ્નના વિવિધ ફંક્શનો શરૂ થઈ ગયા છે. જેમાં બૉલિવૂડની જાણીતી હસ્તીઓ પણ સામેલ થઈ રહી છે. ફંક્શન અંબાણીના નિવાસસ્થાન એન્ટિલિયા ખાતે જ આયોજિત કરવામાં આવી રહ્યા છે. આ બધાની વચ્ચે અનંત-રાધિકાનો ગ્લેમર સંગીત રાત્રિનો એક વીડિયો સામે આવ્યો છે જે ઝડપથી વાયરલ થઈ રહ્યો છે. આ વીડિયોમાં વિકી કૌશલ, એટલી અને દિશા પટણી ‘બેડ ન્યૂઝ’ના ગીત તૌબા તૌબા પર સાથે ડાન્સ કરતા જોવા મળે છે.
વિકી કૌશલે એટલી અને દિશા પટણી સાથે ડાન્સ કર્યો
અનંત અંબાણી-રાધિકા મર્ચન્ટના સંગીત સાથેનો એક વીડિયો ઈન્સ્ટાગ્રામ પર વાયરલ થઈ રહ્યો છે, જેમાં ‘જવાન’ના નિર્દેશક એટલી અને વિકી કૌશલ આગામી ફિલ્મ ‘બેડ ન્યૂઝ’ના ગીત તૌબા તૌબા પર ડાન્સ કરતા જોવા મળે છે. વીડિયોમાં ‘કલ્કી 2898 AD’ એક્ટ્રેસ દિશા પટણી અને સારા અલી ખાન પણ ડાન્સ કરતી જોવા મળી રહી છે. આ વીડિયોમાં એક્ટર વિકી હૂક સ્ટેપ શીખવતો જોવા મળી રહ્યો છે. વીડિયો જોઈને લાગે છે જાણે અનંતના સંગીત ફંક્શનમાં વિકી કૌશલ ડાન્સ ટીચર બની ગયો હોય.
View this post on Instagram
અનંત અંબાણી-રાધિકા મર્ચન્ટના લગ્ન
અનંત અને રાધિકાના લગ્નની ઉજવણી 12 જુલાઈએ એક શુભ લગ્ન સમારોહ સાથે શરૂ થશે. કપલના ભવ્ય લગ્ન સમારોહ 12 જુલાઈના રોજ મુંબઈના Jio વર્લ્ડ કન્વેન્શન સેન્ટરમાં યોજાશે. 13મી જુલાઈ એ શુભ આશીર્વાદનો દિવસ હશે અને તેનો ડ્રેસ કોડ ભારતીય ઔપચારિક હશે. 14મી જુલાઈના રોજ મંગલ ઉત્સવ અથવા લગ્નનું રિસેપ્શન હશે.
અનંત અંબાણીના લગ્નમાં દેશ-વિદેશની હસ્તીઓ સામેલ થઈ શકે છે. નેતા- અભિનેતાઓને લગ્ન માટે ખાસ આમંત્રણ આપવામાં આવ્યું છે.
અનંત અંબાણી-રાધિકા મર્ચન્ટ વિશે
અનંત રિલાયન્સ ઈન્ડસ્ટ્રીઝના ચેરમેન મુકેશ અંબાણી અને નીતા અંબાણીના પુત્ર છે. અનંત અંબાણી રિલાયન્સ ઈન્ડસ્ટ્રીઝના સ્થાપક સ્વર્ગસ્થ ધીરુભાઈ અંબાણીના પૌત્ર છે. રાધિકા એન્કોર હેલ્થકેરના સીઈઓ વિરેન મર્ચન્ટ અને શૈલા વિરેન મર્ચન્ટની પુત્રી છે.
