અખાડા પરિષદની જાહેરાત, ભીડ ઓછી થયા બાદ સ્નાન કરશે

પ્રયાગરાજ: મહાકુંભમાં બીજા અમૃત સ્નાન એટલે કે મૌની અમાવસ્યા પર વહેલી સવારે નાસભાગ થઈ ગઈ હતી. આ અકસ્માતમાં 10થી વધુ લોકોના મોત થયા છે. આ સમગ્ર ઘટના પછી, પંચાયતી નિરંજની અખાડાએ જાહેરાત કરી કે હવે તેઓ વસંત પંચમી પર સ્નાન કરશે. જો કે, હવે અખાડા પરિષદ દ્વારા કહેવામાં આવ્યું છે કે ભીડ વિખેરાઈ ગયા પછી સ્નાન કરવામાં આવશે.મહાકુંભમાં સ્નાન કરવા માટે ભક્તોની ભીડ સતત ઉમટી રહી છે. દેશના ખૂણે-ખૂણેથી લોકો પ્રયાગરાજ પહોંચી રહ્યા છે. દરમિયાન, સવારે સમાચાર આવ્યા કે સંગમ સ્થાન પર અચાનક ભીડ વધી જવાથી નાસભાગ મચી ગઈ. ઘાયલોને કુંભ વિસ્તારના સેક્ટર 2ની હોસ્પિટલમાં દાખલ કરવામાં આવ્યા છે. મૃતદેહોને પ્રયાગરાજ મેડિકલ કોલેજના શબઘરમાં મોકલવામાં આવ્યા હતા.અખાડા પરિષદના પ્રમુખ રવિન્દ્ર પુરીએ જાહેરાત કરી છે કે અખાડાઓ હવે સ્નાન માટે જશે. હવે ભીડ વિખેરાઈ ગયા પછી, લોકો સ્નાન માટે પહોંચશે. અખાડા રથ સાથે સ્નાન કરાશે. અગાઉ, પંચાયતી નિરંજની અખાડાના મહામંડલેશ્વર કૈલાશાનંદ ગિરીએ કહ્યું હતું કે, ‘ભીડ ખૂબ મોટી છે.’ ભીડને ધ્યાનમાં રાખીને, અખાડા પરિષદે નક્કી કર્યું છે કે અમે વસંત પંચમી પર સ્નાન કરીશું.