શહેરના ગુજરાત કોલેજ વિસ્તારની નજીક આવેલી ઓરિએન્ટ ક્લબમાં મહિલા પાંખ દ્વારા નવરાત્રી ગરબાનું આયોજન કરવામાં આવ્યું હતું. બીજા નોરતાની બપોરે ફક્ત મહિલાઓ માટે યોજાયેલા ગરબા મહોત્સવમાં તમામ વય જુથની નારી શક્તિએ ભાગ લીધો હતો.
નાની બાળાઓ, યુવતીઓ અને મહિલાઓએ જુદા જુદા પહેરવેશ સાથે ગરબાની મજા માણી હતી.
ઓરિએન્ટ કલબના ગરબા 2023માં મહિલાઓએ ચણિયાચોળી, કેડિયા, વિવિધ ગૃપ સાથે સાડીમાં શેરી ગરબા અને મોર્ડન સ્ટાઈલ સાથે ઉત્સવને ઉત્સાહભેર ઉજવ્યો હતો.
ગરબામાં ભાગ લેનાર મહિલા પાંખના સભ્યો અને મહેમાનોના ઉત્સાહ માટે બેસ્ટ ડ્રેસ, બેસ્ટ પર્ફોમન્સ , બેસ્ટ પર્ફોમન્સ (સ્ટાર્ટ ટુ એન્ડ) , બેસ્ટ પર્ફોમન્સ ( સિનિયર સિટીઝન), બેસ્ટ પર્ફોમન્સ (ચિલ્ડ્રન) જેવા પ્રાઈઝ પણ રાખવામાં આવ્યા હતા.
પ્રજ્ઞેશ વ્યાસ
