મુંબઈ: વરુણ ધવન બાદ હવે સની દેઓલની ‘બોર્ડર 2’માં દિલજીત દોસાંઝની એન્ટ્રી થઈ છે. સિંગર-એક્ટર દિલજીત દોસાંઝ ‘બોર્ડર 2’ની કાસ્ટ સાથે જોડાયા છે. સની દેઓલે સોશિયલ મીડિયા પર આ સમાચાર શેર કરીને ચાહકોને ખુશખબર આપી છે. સની દેઓલે સોશિયલ મીડિયા પર પોતાનો વીડિયો શેર કરીને દિલજીત દોસાંજનું ખાસ રીતે સ્વાગત કર્યું છે. અભિનેતાએ વર્ષ 2023માં ‘ગદર 2’થી બોક્સ ઓફિસ પર ધૂમ મચાવી હતી. હવે ટૂંક સમયમાં તે ‘બોર્ડર 2’થી મોટા પડદા પર ધૂમ મચાવશે.
બોર્ડર 2માં દિલજીત દાસાંઝની એન્ટ્રી
દિલજીત દસાંજનું સ્વાગત કરતા સની દેઓલે લખ્યું, ‘#Border2 ની બટાલિયનમાં સૈનિક @DiljitDosanjhનું સ્વાગત છે.’ વીડિયોમાં બેકગ્રાઉન્ડમાં દિલજીતનો અવાજ સંભળાય છે, જ્યાં તે કહે છે, ‘ઈસ દેશ કે તરફ ઉઠનેવાલી હર નજર ઝૂક જાતિ હૌ ખૌફ સે… ઈન સરહદોં પર જબ ગુરુ કે પાસ પહરા દેતે હૈં.’ દિલજીતના આ વીડિયોને લોકો સોશિયલ મીડિયા પર ખૂબ પસંદ કરી રહ્યા છે. તેનો દમદાર અવાજ સાંભળીને તમારા રુવાડાં ઉભા થઈ જશે.
બોર્ડર 2 આ દિવસે રિલીઝ થશે
આ પહેલા સની દેઓલે ‘બોર્ડર 2’માં વરુણ ધવનની એન્ટ્રીની જાહેરાત કરી હતી. પોસ્ટમાં એ પણ ખુલાસો થયો છે કે આ ફિલ્મ 23 જાન્યુઆરી, 2026ના રોજ પ્રજાસત્તાક દિવસના સપ્તાહના અંતે રિલીઝ થવાની છે. બ્લોકબસ્ટર ફિલ્મ ‘બોર્ડર’માં સની દેઓલ, જેકી શ્રોફ, અક્ષય ખન્ના, સુનીલ શેટ્ટી, પૂજા શેટ્ટી જેવા કલાકારો મુખ્ય ભૂમિકામાં જોવા મળ્યા હતા. વર્ક ફ્રન્ટની વાત કરીએ તો સની દેઓલ છેલ્લે ‘ગદર 2’માં અમીષા પટેલ, ઉત્કર્ષ શર્મા અને સિમરત કૌર સાથે જોવા મળ્યા હતા.
ભારતની સૌથી મોટી વૉર ફિલ્મ
‘બોર્ડર 2’નું નિર્દેશન અનુરાગ સિંહ કરશે,જેમણે અગાઉ ‘કેસરી’,’પંજાબ 1984′, ‘જટ્ટ એન્ડ જુલિયટ’ અને ‘દિલ બોલે હડિપ્પા!’ જેવી ફિલ્મો બનાવી છે ‘બોર્ડર’ના 27 વર્ષ પૂરા થવા પર આ ફિલ્મ અંગે જાહેરાત કરવામાં આવી હતી. નિર્માતાઓએ તેને ‘ભારતની સૌથી મોટી વૉર ફિલ્મ’ ગણાવી હતી.
