Sunday, June 8, 2025
Google search engine
HomeNewsEntertainmentકોરોનામાંથી સાજા થયા બાદ અનંત-રાધિકાને મળવા પહોંચ્યા અક્ષય કુમાર

કોરોનામાંથી સાજા થયા બાદ અનંત-રાધિકાને મળવા પહોંચ્યા અક્ષય કુમાર

મુંબઈ: છેલ્લા કેટલાક દિવસથી અનંત અંબાણી અને રાધિકા મર્ચન્ટના લગ્ન તો ચર્ચામાં રહ્યાં જ પણ સાથે સાથે બૉલિવૂડની હસ્તીઓ ય એટલી જ લાઈટલાઈટમાં રહી. અનંત-રાધિકાએ 12મી જુલાઈએ સાત ફેરા લઈ એકાબીજને જીવનસાથી તરીકે વચન આપ્યાં. લગ્નના બીજા દિવસે રિસેપ્શન યોજાયું હતું. જેમાં ફિલ્મ ઉદ્યોગના સ્ટાર્સનો જમાવડો જોવા મળ્યો હતો.અક્ષય કુમાર પણ તેની પત્ની ટ્વિંકલ ખન્ના સાથે રિસેપ્શન પાર્ટીમાં પહોંચ્યા હતા. જોકે, અક્ષય કુમારે 12 જુલાઈએ જ અનંત-રાધિકાના લગ્નમાં હાજરી આપવાની હતુી પરંતુ કોવિડ-19 પોઝિટિવ હોવાને કારણે તેઓ હાજર રહી શક્યા ન હતા. અભિનેતાનો રિપોર્ટ નેગેટિવ આવ્યા બાદ તરત જ તે 15 જુલાઈના રોજ અનંત-રાધિકાની છેલ્લી ઈવેન્ટમાં પહોંચ્યો હતો. આ દરમિયાન અક્કીની ડેશિંગ સ્ટાઈલ જોવા મળી હતી.

અક્ષય કોવિડમાંથી સાજા થયા

જે વીડિયો સામે આવ્યો છે તેમાં અક્ષય કુમાર ક્રીમ રંગના કુર્તા-પાયજામામાં એકદમ ડેશિંગ લાગી રહ્યા છે. તેમની સાથે તેની પત્ની ટ્વિંકલ પણ જોવા મળી હતી. આ દરમિયાન ટ્વિંકલ મિરર વર્કના સૂટમાં ખૂબ જ સુંદર લાગી રહી હતી. અક્ષય કુમાર અને ટ્વિંકલ ખન્નાને જોઈને ફેન્સ ખૂબ જ ખુશ જોવા મળ્યા. અનંત-રાધિકાના લગ્નના ફંક્શનમાં અક્ષય કુમાર સામેલ થઈ શક્યા નહોતા. ખરેખર, અક્ષય કુમાર ‘કોવિડ-19 પોઝિટિવ’ હોવાને કારણે અત્યાર સુધી અંબાણી પરિવારના એક પણ ફંક્શનમા જોડાયા ન શક્યા. ફિલ્મ ‘સરફિરા’ના પ્રમોશન દરમિયાન તેમને તબિયત નાદુરસ્ત લાગતા રિપોર્ટ કરાવ્યો તો ખબર પડી કે તે કોરોનાથી સંક્રમિત છે. આટલું જ નહીં,તેના કેટલાક ક્રૂ મેમ્બર પણ પોઝિટિવ જોવા મળ્યા હતા.કોરોનાથી સાજા થયા બાદ તરત અક્ષય કુમાર અનંત-રાધિકાને શુભેચ્છા આપવા પહોંચ્યા.

આ દરમિયાન ચાહકોની નજર અક્ષય કુમારના હાથમાં એક વસ્તુ જોવા મળી. અભિનેતાના હાથમાં લેડીઝ બેગ જોવા મળી હતી. આ બેગ તેની નહીં પરંતુ તેની પત્ની ટ્વિંકલ ખન્નાની છે. ટ્વિંકલ ખન્નાએ પાછળથી આ પર્સ જાતે જ પકડી રાખ્યું હતું, પરંતુ અક્ષય કુમાર થોડા સમય માટે તેને પકડીને ટ્વિંકલ ખન્નાને મદદ કરતા હોય એવું લાગ્યું.

તમને જણાવી દઈએ કે, અક્ષય કુમારની ફિલ્મ સરફિરા બોક્સ ઓફિસ પર ખાસ કમાલ નથી કરી રહી. આ ફિલ્મમાં અક્ષય કુમાર સાથે રાધિકા મદનની જોડી છે. ફિલ્મમાં અક્ષય કુમાર એક એવી વ્યક્તિની ભૂમિકા ભજવે છે જે એરફોર્સમાં તેની નોકરી છોડીને કોસ્ટ એવિએશન લેવા માંગે છે. ફિલ્મની વાર્તા સારી છે, પરંતુ તેમ છતાં તે અપેક્ષાઓ પર ખરી ઉતરી શકી નથી. અક્ષય કુમારના વર્ક ફ્રન્ટની વાત કરીએ તો ટૂંક સમયમાં તે ‘ખેલ ખેલ મેં’, ‘વેલકમ ટુ ધ જંગલ’ અને ‘સિંઘમ અગેન’ જેવી ફિલ્મોમાં જોવા મળશે. આ સિવાય ‘હેરા ફેરી 3’ અને ‘હાઉસફુલ 5’ પણ પાઇપલાઇનમાં છે. અક્ષય કુમારની 9 ફિલ્મો બોક્સ ઓફિસ પર ફ્લોપ થયા પછી પણ તેની પાસે હજુ ઘણું કામ બાકી છે.

RELATED ARTICLES
- Advertisment -
Google search engine

Most Popular