મુંબઈ: આમિર ખાને તાજેતરમાં જ કંઈક એવું કર્યું જેનાથી સિનેપ્રેમીઓમાં સોશિયલ મીડિયા પર ‘દંગલ 2’ વિશે ચર્ચા શરૂ થઈ ગઈ. બોલિવૂડ સુપરસ્ટારે કુસ્તીબાજ વિનેશ ફોગાટને વીડિયો કોલ કર્યો હતો, જેની તસવીરો મહીપ પુનિયાએ સોશિયલ મીડિયા પર શેર કરી હતી. જ્યારથી આ તસવીરો સામે આવી છે, ત્યારથી આમિર અને વિનેશ દંગલ 2 માટે એકસાથે આવવાની ઘણી વાતો થઈ રહી છે. આમિર અને વિનેશ ફોગાટના વીડિયો કોલની તસવીરો જોઈને દંગલના ચાહકો ઉત્સાહમાં આવી ગયા છે. ઘણા યુઝર્સનું માનવું છે કે 2016ની બ્લોકબસ્ટર ‘દંગલ’ પછી આમિર ખાન ‘દંગલ 2’ની પણ જાહેરાત કરી શકે છે, જેમાં વિનેશ ફોગાટની જર્ની બતાવવામાં આવશે.
શું આમિર ખાન દંગલ 2 ની જાહેરાત કરશે?
તસવીરોમાં આમિર ખાન અને વિનેશ ફોગાટ વીડિયો કોલ પર વાત કરતા હસતા જોવા મળે છે. એક્સ પર આ તસવીરો શેર કરતી વખતે, મહિપ પુનિયાએ કેપ્શનમાં લખ્યું,’આમીર ખાન અને વિનેશ ફોગાટે વીડિયો કૉલ પર વાત કરી છે. તમારી પ્રતિક્રિયા?’ વિનેશ અને આમિર ખાનની વીડિયો કોલ પર વાત કરતા આ તસવીરો જોઈને દંગલના ચાહકો ખુશ છે. ઘણા લોકોએ એવી આશા પણ વ્યક્ત કરી હતી કે અભિનેતા ટૂંક સમયમાં દંગલની સિક્વલની જાહેરાત કરી શકે છે.
आमिर ख़ान ने विनेश फोगाट से वीडियो कॉल पर बात की है.
आपकी प्रतिक्रिया ? pic.twitter.com/qCeJvpMCzu
— Mandeep Punia (@mandeeppunia1) August 31, 2024
આમિર-વિનેશના ફોટા જોઈને ચાહકો ખુશ થઈ ગયા
આમિર અને વિનેશની આ તસવીરો પર પ્રતિક્રિયા આપતા એક યુઝરે લખ્યું,’લખ્યું કે કેટલું હૃદય સ્પર્શી ગયું. કોલ દરમિયાન આમિરે તેના પ્રદર્શનની ખૂબ પ્રશંસા કરી હતી. અન્ય એક યુઝરે લખ્યું કે, “આમીર ખાન તરફથી શાનદાર પહેલ. વિડિયો કૉલ પર તેણે વિનેશ ફોગાટને પેરિસમાં તેની અદ્ભુત પ્રદર્શન માટે અભિનંદન આપ્યા. તેને યાદ અપાવ્યું કે તેની લડાઈઓ તેની ચેમ્પિયન માનસિકતાનો પુરાવો છે. ફોટોમાં ભૂતપૂર્વ રેસલર કૃપા શંકર પણ જોવા મળે છે, જેમણે દંગલ માટે સ્ટાર્સને ટ્રેનિંગ આપી હતી.
ચાહકો દંગલ 2 ની રાહ જોઈ રહ્યા છે
ફોટો પર કોમેન્ટ કરતા કેટલાક યુઝર્સે દંગલ 2ની રાહ જોવાની વાત કરી હતી. એકે લખ્યું,’આમીર ખાન ચોક્કસપણે વિનેશ પર એક મજબૂત બાયોપિક બનાવવા જઈ રહ્યા0 છે. તે માત્ર યોગ્ય સમયની રાહ જોઈ રહ્યા છે. બીજાએ લખ્યું,’દંગલ 2ની રાહ જોઈ રહ્યાં છીએ.’ તમને જણાવી દઈએ કે, આમિર ખાનની દંગલ 2016માં સિનેમાઘરોમાં રિલીઝ થઈ હતી, જે મહાવીર ફોગાટ અને તેમની પુત્રીઓ ગીતા અને બબીતાના જીવન પર આધારિત છે, જેઓ દેશના ટોચના કુસ્તીબાજો છે. આ ફિલ્મમાં તેણે મહાવીર ફોગાટની ભૂમિકા ભજવી હતી, જે તેની પુત્રીઓને કુસ્તીની તાલીમ આપે છે.
