મુંબઈ: બૉલિવૂડ સિંગર તુલસી કુમાર સાથે સેટ પર અકસ્માત થયો હતો. જોકે સદ્નસીબે તે ગંભીર ઈજાથી બચી ગઈ. તે સેટ પર એક મ્યુઝિક વીડિયો શૂટ કરી રહી હતી. ઇન્સ્ટાગ્રામ પર પાપારાઝી પેજ દ્વારા શેર કરવામાં આવેલા એક વીડિયોમાં તુલસી અકસ્માતનો સામનો કરતી જોવા મળી હતી. વિડિયોમાં જોઈ શકાય છે કે તુલસી માંડ માંડ ઘાયલ થવાથી બચી છે.જો કે તુલસીએ આ ઘટના અંગે કોઈ નિવેદન જારી કર્યું નથી. સેટ પર આવી ઘટનાઓ સુરક્ષા પર સવાલો ઉભા કરે છે.
સેટ તુલસી કુમાર પર પડ્યો સેટ
સામે આવેલા વીડિયોમાં તુલસી કુમાર ક્રીમ રંગના આઉટફિટમાં જોવા મળે છે. તે પોતાનું શૂટ કરી રહી છે. એવામાં તેમની પાછળ અને આગળ મૂકેલા મોટા હોર્ડિંગ્સ નીચે પડી જાય છે અને તુલસી સાથે ટકરાય છે. ઘટના બનતાં જ લોકો તેને બચાવવા દોડે છે, પરંતુ ત્યાં સુધીમાં સેટ તેમના પર પડી જાય છે. આ પછી તેણીને પીડામાં ચીસ પાડતી જોઈ શકાય છે. જે રીતે સિંગરનું રિએક્શન જોવા મળે છે તે જોઈને લાગે છે કે તેણીને કમર પર ઈજા થઈ છે.
આ વીડિયો જોયા બાદ લોકો ખૂબ જ પરેશાન થઈ રહ્યા છે અને પોતાની પ્રતિક્રિયા આપી રહ્યાં છે. એક યુઝરે કોમેન્ટ સેક્શનમાં લખ્યું કે,’અરે શું થયું,બહુ વધારે તો નથી લાગ્યુ ને?’અન્ય એક વ્યક્તિએ લખ્યું,’શું સેટ પર સલામતી માટે પહેલેથી જ કંઈક કરવામાં આવ્યું નહોતું?ઘણા લોકો તેને પબ્લિસિટી સ્ટંટ પણ ગણાવી રહ્યા છે. એક વ્યક્તિએ લખ્યું કે, ‘આ લોકોને કોઈ ભરોસો નથી, તેઓ ઘાયલ થયા વિના પણ નાટક કરી શકે છે.’ જ્યારે એક વ્યક્તિએ લખ્યું,’નિર્દેશક તેણીને ખસવા માટે કહી રહ્યા હતા પરંતુ તેમ છતાં તે ખસી નહીં. જ્યારે અન્ય એક યુઝરે લખ્યું કે,’આ 101 ટકા ડ્રામા છે.’
View this post on Instagram
તુલસી કુમાર ટી-સીરીઝના માલિક ભૂષણ કુમારની બહેન છે. તુલસી કુમાર ગુલશન કુમારની પુત્રી છે. તુલસી કુમાર એક જાણીતી ગાયક છે અને લોકો તેમના ગીતોને ખૂબ પસંદ કરે છે. તેણે ‘હમ મર જાયેંગે’, ‘ઓ સાકી સાકી’, ‘તુમ જો આયે’ જેવા ઘણા ગીતો ગાયા છે, જે ખૂબ હિટ પણ છે.
