મુંબઈ: વરુણ ધવન અને સામંથા રૂથ પ્રભુ અભિનીત વેબ સિરીઝ ‘સિટાડેલ હની બન્ની’નું ટ્રેલર રિલીઝ થઈ ગયું છે. ટ્રેલર એક ભવ્ય કાર્યક્રમમાં લોન્ચ કરવામાં આવ્યું હતું, જ્યાં વરુણ ધવન અને સામંથા પણ ભવ્ય અંદાજમાં પહોંચ્યા હતા. બંને સ્ટાર્સ એકસાથે સ્ટેજ પર આવ્યા હતાં. ખાસ વાત એ છે કે બંને મેચિંગ આઉટફિટ્સમાં જોવા મળ્યા હતા. સામંથા અને વરુણ બંને બ્લેક આઉટફિટ્સમાં ટ્રેલર લોન્ચ ઈવેન્ટમાં હાજરી આપી હતી.
સિટાડેલ હની બન્નીનું ટ્રેલર 90ના દાયકાની યાદ અપાવે છે. આ સિરીઝમાં રોમાંચ અને એક્શનથી ભરપૂર સ્ટંટ જોવા મળશે. સિરીઝમાં વરુણ ધવને બન્નીની ભૂમિકા ભજવી છે અને સામંથા રૂથ પ્રભુએ હનીની ભૂમિકા ભજવી છે. વરુણ અને સામંથાની આ પહેલી વેબ સિરીઝ છે. આ સીરિઝ 7 નવેમ્બરના રોજ OTT પ્લેટફોર્મ પ્રાઇમ વિડિયો પર સ્ટ્રીમ થશે. નોંધનીય છે કે આ વેબ સીરિઝમાં ગુજ્જુ ક્યુટી કાશ્વી મઝમુદાર પણ જોવા મળશે.
(તમામ તસવીર: માનસ સોમપુરા)
