ભારત દ્વારા આયોજિત થનાર ODI વર્લ્ડ કપની 13મી આવૃત્તિનો આજથી અમદાવાદના નરેન્દ્ર મોદી સ્ટેડિયમમાં પ્રારંભ થયો છે. આ વખતે વર્લ્ડ કપમાં 10 ટીમો ભાગ લઈ રહી છે. જેમાં ભારત, પાકિસ્તાન, શ્રીલંકા, બાંગ્લાદેશ, અફઘાનિસ્તાન, દક્ષિણ આફ્રિકા, ઓસ્ટ્રેલિયા, ન્યૂઝીલેન્ડ, ઈંગ્લેન્ડ અને નેધરલેન્ડની ટીમો સામેલ છે. આખા વર્લ્ડ કપમાં કુલ 48 મેચો રમાશે. સૌ પ્રથમ રાઉન્ડ રોબિન મેચો થશે. આ તબક્કામાં એક ટીમ અન્ય તમામ 9 ટીમો સાથે એક-એક મેચ રમશે. સૌથી વધુ પોઈન્ટ ધરાવતી ચાર ટીમ સેમિફાઈનલમાં પહોંચશે. બે સેમિફાઈનલ મેચ બાદ ફાઈનલ મેચ રમાશે.
(પ્રજ્ઞેશ વ્યાસ )
