મુંબઈમાં કોરોના વાઈરસનો ફેલાવો રોકવા લોકડાઉન લાગુ છે. ગીચ વસ્તીવાળા અને ‘કન્ટેનમેન્ટ ઝોન’ ઘોષિત કરાયેલા વિસ્તારોમાં મુંબઈ મહાનગરપાલિકા દ્વારા કામચલાઉ ધોરણે ‘કોરોના ફિવર ક્લિનીક’ શરૂ કરવામાં આવ્યા છે.
આ ફિવર ક્લિનીકમાં એક ડોક્ટર, એક નર્સ અને એક સહાયક – એમ ત્રણ જણ સેવા બજાવે છે. 
આ ફિવર ક્લિનીકમાં છેલ્લા પાંચ દિવસમાં 1,906 વ્યક્તિને ચેક કરવામાં આવી હતી અને 442 જણના તબીબી નમૂનાઓને પરીક્ષણ માટે લેબોરેટરીમાં મોકલવામાં આવ્યા હતા. 
જે રહેવાસીઓને તાવ આવતો હોય, શરદી અને ઉધરસ થયા હોય તેઓ આવા ક્લિનિકમાં જઈ શકે છે. આ રીતે દર્દીને તપાસીને રોગચાળો ફેલાતો રોકી શકાય છે.
