HomeGalleryFashion & Entertainmentસલમાનના ફાર્મહાઉસમાં બકરીના બચ્ચાને રમાડતી જેક્લીન...

Fashion & Entertainment

સલમાનના ફાર્મહાઉસમાં બકરીના બચ્ચાને રમાડતી જેક્લીન…

May 10, 2020

1015

બોલીવૂડ અભિનેત્રી જેક્લીન ફર્નાન્ડિઝ અન્ય ફિલ્મી કલાકારોની જેમ હાલ કોરોના વાઈરસને કારણે લાગુ થયેલા લોકડાઉનને કારણે ઘરમાં કેદ છે. એ કેદ થઈ છે સાથી કલાકાર સલમાન ખાન સાથે સલમાનના મુંબઈ નજીકના પનવેલસ્થિત ફાર્મહાઉસમાં. ત્યાં જેક્લીનને મિત્ર તરીકે એક બકરીનું બચ્ચું મળી ગયું છે, જેનું નામ એણે જેની રાખ્યું છે. જેક્લીને બકરીનાં બચ્ચા સાથે રમતી પોતાની તસવીરો ઈન્સ્ટાગ્રામ પર પોસ્ટ કરી છે.

જેક્લીન તાજેતરમાં જ ‘મિસીસ સિરિયલ કિલર’ નામની ફિલ્મમાં જોવા મળી હતી જે નેટફ્લિક્સ પર રિલીઝ કરવામાં આવી હતી. શિરીષ કુંદર દ્વારા દિગ્દર્શિત અને ફરાહ ખાન દ્વારા નિર્મિત આ થ્રિલરમાં તે એવી પત્નીનો રોલ કરી રહી છે જેના પતિ પર સિરિયલ હત્યાઓનો આરોપ મૂકીને જેલમાં પૂરી દેવામાં આવ્યો હોય છે. પતિને નિર્દોષ સાબિત કરાવવા પત્ની ત્યારબાદ સિરિયલ કિલરની જેમ હત્યાનો કારસો ઘડે છે. ફિલ્મમાં એની સાથે મનોજ બાજપાઈ અને મોહિત રૈના પણ છે.

જેક્લીન આ પહેલાં ‘હાઉસફૂલ 2’, ‘મર્ડર 2’, ‘કિક’, ‘બ્રધર્સ’, ‘ઢીશૂમ’, ‘જુડવા 2’ જેવી ફિલ્મોમાં પણ કામ કરી ચૂકી છે.

Previous article

કોરોનાપીડિત માતાએ સ્વસ્થ બાળકને જન્મ આપ્યો; બંનેની તબિયત સારી

Next article

ઘરની માતાથી શહેરની પાલક માતા સુધી… સરોજ કુમારીની સફળ ગાથા

RELATED ARTICLES

Most Popular