મુંબઈ: ફિલ્મ ‘કંગુવા’ની આખી ટીમે મુંબઈમાં પ્રમોશનલ પ્રેસ કોન્ફરન્સ યોજી હતી. જેમાં બોબી દેઓલ સહિત ઘણા સ્ટાર્સે હાજરી આપી હતી. તમિલ સ્ટાર સૂર્યા, બોલિવૂડ સેલેબ્સ દિશા પટણી અને એક્ટર બોબી દેઓલ આજે એક સાથે મુંબઈમાં જોવા મળ્યા હતા. તમિલ સ્ટાર સૂર્યા ફિલ્મ ‘કંગુવા’માં લીડ રોલમાં જોવા મળશે. આ ફિલ્મમાં તેનું પાત્ર તેના અત્યાર સુધીના સૌથી મજબૂત પાત્રોમાંનું એક માનવામાં આવી રહ્યું છે. બોબી દેઓલ ‘કંગુવા’માં મુખ્ય વિલનની ભૂમિકામાં જોવા મળશે. ‘એનિમલ’ પછી બોબીને વિલનની ભૂમિકાઓ ઓફર કરવામાં આવી રહી હતી અને આગામી ફિલ્મ ‘કંગુવા’માં તેનો વિકરાળ લુક પણ વાયરલ થયો હતો.
આ ફિલ્મમાં દિશા પટણી પણ મહત્વના રોલમાં જોવા મળશે. હાલમાં, તેણે આ ઇવેન્ટમાં બ્લેક બોડીકોન પહેર્યો છે જેમાં તે ખૂબ જ સુંદર લાગી રહી છે.
સૂર્યા અને દિશા પટણી પહેલીવાર મોટા પડદા પર સાથે જોવા મળશે. ‘કંગુવા’નું ટ્રેલર 12મી ઓગસ્ટે રિલીઝ થયું હતું જેને ખૂબ પસંદ કરવામાં આવ્યું હતું. 14 નવેમ્બરે આ ફિલ્મ તમિલ, તેલુગુ અને હિન્દી ભાષાઓમાં રિલીઝ થશે.
(તમામ તસવીર: માનસ સોમપુરા)
