મુંબઈ: વરુણ ધવન તેની આગામી બહુપ્રતિક્ષિત એક્શન ફિલ્મ ‘બેબી જ્હોન’ની રિલીઝ માટે તૈયારી કરી રહ્યો છે, જેમાં તે કીર્તિ સુરેશ અને વામીકા ગબ્બી સાથે અભિનય કરશે. આ ફિલ્મમાં બોલિવૂડ સુપરસ્ટાર સલમાન ખાનનો કેમિયો છે, જે દબંગ ખાનના ચાહકોને ખૂબ જ ખુશ કરી રહ્યો છે. હાલમાં જ બેબી જ્હોનની એક પ્રમોશનલ પ્રેસ કોન્ફરન્સ યોજાઈ હતી. જેમાં ફિલ્મના મુખ્ય અભિનેતા વરુણ ધવન, કીર્તિ સુરેશ, વામીકા ગબ્બી, એટલી, એટલીની પત્ની અને ફિલ્મની પ્રોડ્યુસર પ્રિયા મોહન, નિર્દેશક કલીઝે હાજરી આપી હતી.
આ દરમિયાન વરુણ ધવને કીર્તિ સુરેશને લગ્નની શુભેચ્છા પાઠવી હતી. ઉલ્લેખનીય છે કે સાઉથ અભિનેત્રી કીર્તિ સુરેશ તાજેતરમાં જ લગ્નના બંધનમાં બંધાઈ છે.
(તમામ તસવીરો: દીપક ધૂરી)
