મુંબઈ: અમિતાભ બચ્ચન, કમલ હાસન, દીપિકા પાદુકોણ અને પ્રભાસ સ્ટારર ફિલ્મ’કલ્કી 2898 એડી’ (kalki 2898 AD)ની પ્રેસ કોન્ફરન્સ યોજાઈ હતી. જોકે નવાઈની વાત એ છે કે આ કોન્ફરન્સમાં અમિતાભ બચ્ચન પણ સામેલ થયા હતાં. જ્યારે કે બીગ બી પ્રમોશનલ ઈવેન્ટમાં જવાનું ટાળતાં હોય છે. કોન્ફરન્સમાં પ્રભાસ, કમલ હાસન, બેબી બમ્બ સાથે દીપિકા પાદુકોણ અને રાણા દગ્ગુબતી સામેલ થયાં હતાં. ફિલ્મમાં અમિતાભ અશ્વત્થામાના રોલમાં છે જ્યારે પ્રભાસ ભૈરવના રોલમાં છે. હાલમાં જ આ ફિલ્મનું ટ્રેલર લોન્ચ કરવામાં આવ્યું હતું, જેમાં કમલ હાસનની ઝલક પણ જોવા મળી હતી. નિર્માતાઓને આ ફિલ્મ પાસેથી ઘણી અપેક્ષાઓ છે.ફિલ્મનું નિર્દેશન નાગ અશ્વિન દ્વારા કરવામાં આવ્યું છે. મેગાસ્ટારર આ ફિલ્મ 27 જુને સિનેમાઘરોમાં રિલીઝ થશે.
(તમામ તસવીર: માનસ સોમપુરા)
