મુંબઈઃ અમેરિકામાં ફેડરલ રિઝર્વ નાણાં નીતિની સમીક્ષા રજૂ કરે એની પહેલાં વૈશ્વિક સ્તરે ક્રીપ્ટોકરન્સી માર્કેટમાં ઘટાડો નોંધાયો છે. બુધવારે માર્કેટના બેન્ચમાર્ક – આઇસી15 ઇન્ડેક્સના ઘટકોમાંથી એક્સઆરપી, કાર્ડાનો, સોલાના અને લાઇટકોઇન પાંચેક ટકા સુધી ઘટ્યા હતા. બીએનબી, ચેઇનલિંક, ટ્રોન અને યુનિસ્વોપ 1થી 6 ટકા વધ્યા હતા.
દરમિયાન, હોંગકોંગ મોનેટરી ઑથોરિટીએ સ્ટેબલકોઇનનું નિયમન કરવાની પ્રક્રિયા શરૂ કરી દીધી છે. આ જ રીતે અમેરિકામાં પણ સ્ટેબલકોઇન માર્કેટ સંબંધે નિયમનકારી સ્પષ્ટતા કરવામાં આવી રહી છે. ઉપરાંત, ચીન પણ ક્રીપ્ટોકરન્સી પરના પ્રતિબંધને લગતું વલણ બદલાવવા ઈચ્છે છે.
અગાઉ, 3.0 વર્સે લોન્ચ કરેલો વિશ્વનો સર્વપ્રથમ ક્રીપ્ટો ઇન્ડેક્સ – આઇસી15 બુધવારે બપોરે ચાર વાગ્યે પૂરા થયેલા ચોવીસ કલાકમાં 0.38 ટકા (138 પોઇન્ટ) ઘટીને 36,524 પોઇન્ટ બંધ રહ્યો હતો. ઇન્ડેક્સ 36,662 ખૂલીને 36,910ની ઉપલી અને 36,295 પોઇન્ટની નીચલી સપાટીએ ગયો હતો.
