ચેન્નાઈ સુપર કિંગ્સના દિગ્ગજ બેટ્સમેન અંબાતી રાયડુએ IPLમાંથી નિવૃત્તિની જાહેરાત કરી છે. રવિવારના રોજ ગુજરાત ટાઇટન્સ સામેની ફાઇનલ મેચ પહેલા રાયડુએ નિવૃત્તિની જાહેરાત કરી હતી. એક ટ્વિટમાં રાયડુએ પોતાની બંને ટીમ ચેન્નાઈ સુપર કિંગ્સ અને મુંબઈ ઈન્ડિયન્સનો આભાર માન્યો હતો. રાયડુએ એમ પણ કહ્યું કે આ વખતે તે પોતાનો નિર્ણય બદલશે નહીં.
2 great teams mi nd csk,204 matches,14 seasons,11 playoffs,8 finals,5 trophies.hopefully 6th tonight. It’s been quite a journey.I have decided that tonight’s final is going to be my last game in the Ipl.i truly hav enjoyed playing this great tournament.Thank u all. No u turn 😂🙏
— ATR (@RayuduAmbati) May 28, 2023
અંબાતી રાયડુએ ટ્વીટમાં લખ્યું, “બે મોટી ટીમો મુંબઈ ઈન્ડિયન્સ અને ચેન્નાઈ સુપર કિંગ્સ, 204 મેચ, 14 સીઝન, 11 પ્લેઓફ, 8 ફાઈનલ, 5ટ્રોફી.” આજે રાત્રે છઠ્ઠી ટ્રોફી મેળવવાની આશા છે. તે એક અદ્ભુત પ્રવાસ રહ્યો છે. મેં નક્કી કર્યું છે કે આજની રાતની ફાઈનલ મેચ આઈપીએલમાં મારી છેલ્લી મેચ હશે. મને આ ટુર્નામેન્ટમાં રમવાની હંમેશા મજા આવી છે. આપ સૌનો આભાર.”
રાયડુ પાંચ વખત ટ્રોફી જીતનાર ટીમનો સભ્ય હતો
ચેન્નાઈ સુપર કિંગ્સના અંબાતી રાયડુને પાંચ વખત IPL ટ્રોફી જીતવાની તક મળી છે. તે મુંબઈ ઈન્ડિયન્સની ટીમનો સભ્ય હતો જેણે 2013, 2015 અને 2017માં ટાઈટલ જીત્યું હતું. આ સિવાય 2018 અને 2021માં જ્યારે ચેન્નાઈ સુપર કિંગ્સ વિજેતા બની ત્યારે તે ધોનીની સાથે હતો.
