ઉનાળો આવી ગયો છે. કેરી પણ માર્કેટમાં આવી ગઈ છે. તો રાહ શેની જુઓ છો, બનાવી લ્યો બાળકો માટે આઈસક્રીમ મેંગો શેક!
સામગ્રીઃ
- પાકી કેરી 1 કિલો
- તાજું ક્રીમ 1 કપ
- સાકર 2 ટે.સ્પૂન
- વેનિલા આઈસક્રીમ 4 સ્કૂપ
- થોડો બરફ
- એલચી પાવડર ¼ ટી.સ્પૂન
રીતઃ પાકી કેરીને છોલીને નાના ટુકડામાં કટ કરી લો. મિક્સર બાઉલમાં કેરીના ટુકડા, સાકર, એલચી પાવડર તેમજ ક્રીમ મિક્સ કરીને ગ્રાઈન્ડ કરી લો.
આ શેક પીરસતી વખતે ગ્લાસમાં રેડો. ત્યારબાદ તેમાં 1-2 બરફના ટુકડા અને 1 સ્કૂપ વેનિલા આઈસક્રીમ ઉમેરીને પીરસો. તેમાં તમે કેરીના 2-4 ટુકડા પણ નાખી શકો છો.
