સામગ્રીઃ જુવારનો લોટ 1 કપ, ઘઉંનો લોટ ½ કપ, 2 ટે.સ્પૂન ચણાનો લોટ, 2 ટે.સ્પૂન દહીં, 1 ટી.સ્પૂન મરચાં પાવડર, ½ ટી.સ્પૂન હળદર, 2 ટી.સ્પૂન આદુ-મરચાંની પેસ્ટ, 2 ટે.સ્પૂન સફેદ તલ, 1 ટી.સ્પૂન મેથીના દાણાં શેકીને બારીક વાટેલાં, ચપટી હિંગ, ચપટી ખાવાનો સોડા, મીઠું સ્વાદાનુસાર
રીતઃ ત્રણેય લોટમાં દહીં મિક્સ કરી ડબકાં મૂકી શકાય એટલો જાડો લોટ બનાવો. આ લોટને 4-5 કલાક માટે આથો લાવવા મૂકો. વડાં બનાવતી વખતે બાકીની સામગ્રી મિક્સ કરીને તેલમાં વડાં તળી લો. જુવારના વડાં લીલી ચટણી સાથે પીરસો.
