આઈસ હલવો

0
1642

સામગ્રીઃ ¼ કપ કોર્ન ફ્લોર, 1 કપ સાકર, 1½ કપ દૂધ, ¼ કપ ઘી, ¼ ચમચી એલચી પાવડર, રોઝ એસેન્સ થોડાં ટીપાં, ફુડ કલર એક ચપટી જેટલો, બદામ-પિસ્તાની કાતરી ¼ કપ

રીતઃ દૂધ, સાકર, કોર્ન ફ્લોર તેમજ ઘી ગઠ્ઠાં ના રહે એ રીતે મિક્સ કરીને એક કઢાઈમાં મધ્યમ આંચે ગરમ કરવા મૂકો. અને એક ઝારા વડે એકસરખું હલાવતા રહો. મિશ્રણ પેસ્ટ જેવું ઘટ્ટ તેમજ લીસું થાય એટલે એમાં એલચી પાવડર, રોઝ એસેન્સ તેમજ કલર ઉમેરીને મિક્સ કરી લો. જો મિશ્રણ લીસું ન હોય તો એમાં થોડું વધુ ઘી ઉમેરો.

ઘટ્ટ થયેલું મિશ્રણ ઘી ચોપડેલા બટર પેપર પર પાથરી દો. એના ઉપર બીજું બટર પેપર મૂકી એક વેલણ વડે પાતળી શીટ જેવું વણી લો. હવે ઉપરનું બટર પેપર કાઢી લો તેમજ તેના ઉપર બદામ-પિસ્તાની કાતરી પાથરી દો. આ મિશ્રણ ઠંડું કરીને જમાવવા માટે 2 કલાક માટે રહેવા દો અથવા ફ્રીજમાં 15 મિનિટ માટે મૂકી દો. મિશ્રણ જામે એટલે એના 3-4 ઈંચના ચોરસ ટુકડા (બટર પેપર સાથે જ) કરી લો. આ હલવો ફ્રીજમાં એક અઠવાડિયા સુધી સારો રહે છે.