મગની ફોતરાવાળી દાળના પૂડલા

0
1333

સામગ્રીઃ મગની ફોતરાવાળી દાળ – 1 કપ, આદુ – 1 ઈંચ, લસણ – 5-6 કળી, 7-8 લીલાં મરચાં, ચપટી હીંગ, 1 કાંદો, કોથમીર – ½ કપ (ઝીણી સમારેલી), મીઠું, દહીં ½ કપ.

રીતઃ દાળને ધોઈને 5-6 કલાક માટે પાણીમાં પલાળી દો. પૂડલા ખાવાના થોડા સમય પહેલાં મિક્સીમાં થોડું પાણી નાખી મગની દાળને આદુ-લસણ તેમજ દહીં નાખીને પીસી લો. ખીરૂં ઢોકળાંના ખીરાં જેવું હોવું જોઈએ. ત્યારબાદ એમાં કોથમીર, કાંદો તેમજ લીલાં મરચાંને ઝીણાં સમારીને ઉમેરી દો. મીઠું સ્વાદ મુજબ ઉમેરો.

એક નોન સ્ટીક પેનમાં થોડું થોડું તેલ નાખીને પૂડલા ઉતારી લો. ગેસની આંચ મધ્યમ રાખવી જેથી પૂડલા ક્રિસ્પી બનશે.

પૂડલાને કોથમીરની ચટણી અથવા ટોમેટો સોસ સાથે પીરસો.