Share on FacebookTweet about this on TwitterShare on Google+Pin on PinterestEmail this to someoneShare on LinkedInShare on TumblrPrint this page

ર્મના સિદ્ધાંતની ખોટી સમજણ જે ઝડપથી ફેલાઈ રહી છે તે ઘાતક છે. આજકાલ માત્ર ફળ આધારિત કર્મની વાત જોવા મળે છે. ધરતી કંપ પછી સત્કર્મની વાતો કરનાર ફરીથી કાલની ચિંતા છોડીને આજને ભોગવી લેવામાં રચ્યાંપચ્યાં છે. પહેલાં યોગ અને ધ્યાનથી મનની શાંતિ મળતી. હવે દારૂથી મેળવવાની વાતો ચાલે છે. જયારે સમાજ ભૌતિકતાને જ સુખ સાંજે ત્યારે તેનું પતન કરવામાં વધારે મહેનતની જરૂર નથી રહેતી. સુખ અને વૈભવની સાચી વ્યાખ્યાની હવે ખૂબ જ જરુર છે.

ઉત્તર દિશા એટલે ધન વૈભવની દિશા. સામાન્ય રીતે તેને કુબેરની દિશા ગણવામાં આવે છે. પૃથ્વીના ઢળાવને ધ્યાનમાં લઈએ તો ઉત્તર તરફ સૂર્યના સીધાં કિરણો ક્યારેય પણ આવતાં નથી. આ કારણથી આ દિશામાં ઠંડક રહે છે અને સીધો તડકો ન આવવાથી કામ કરવાની સરળતા રહે છે . આ વાતને આર્કિટેક્ચર ના નિયમો પણ અનુમોદન આપે છે. ઉત્તર દિશામાં મુખ્ય કાર્ય માટેની રૂમ બનાવવાની વાત વાસ્તુ અને આર્કિટેક્ચર બંનેમાં કરવામાં આવેલી છે. વાસ્તુના સિદ્ધાંતોમાં વૈદિક સમયના આર્કિટેક્ચરને સરસ રીતે આવરી લેવાયું છે. વળી વાસ્તુમાં સમાજ વ્યવસ્થા,મનોવિજ્ઞાન અને ઊર્જાની પણ વાત કરવામાં આવી છે.

ઉત્તર દિશાને પુરુષના આત્મવિશ્વાસ અને સ્ત્રીના સંતોષ સાથે જોડી દેવામાં આવેલી છે. સ્ત્રીની સંતૃપ્તિ આમ પણ પુરુષના આત્મવિશ્વાશ સાથે જોડાયેલી છે. સ્ત્રીની જરૂરિયાતો સીમિત હોય છે પરંતુ જો તે ન સમજાય તો વિવિધ પ્રકારની સમસ્યાઓ આવી શકે છે. સ્ત્રીનો સ્વભાવ ચીડીઓ થઇ જવો, કારણ વિના માથું દુખવું અને જેવી અનેક વાતો આ એક સમસ્યાનો ભાગ બને છે. જો ઉત્તરનો દોષ વધારે હોય તો પુરુષમાં નપુંસકતા પણ આવી શકે છે. જેના કારણે તેનો આત્મવિશ્વાસ ઓછો થઈ શકે છે અને આપણા પુરુષપ્રધાન સમાજમાં આ વાત મન પર લઇ લેવામાં આવે તો અન્ય સમસ્યાઓ આવી શકે છે.

ખાસ કરીને જયારે બ્રહ્મનો વાસ્તુ દોષ આ સાથે ભળે ત્યારે આવી સમસ્યાઓ આવે છે. દક્ષિણ ગુજરાતમાં એક ઘરમાં ઉત્તરનો દોષ હતો અને તેના નિવારણ માટે તેમણે બ્રહ્મમાં ખાડો કરીને કોઈ યંત્ર મૂક્યું. તે વખતે આવી શંકા જોવામાં આવી અને નકારાત્મકતાના કારણે ઘરમાં આત્મહત્યાના વિચારો પણ આવવા લાગ્યા. ખરેખર તો તેમણે જે નિવારણ શોધ્યું તે જ સમસ્યા બની ગયું. અધૂરું જ્ઞાન ક્યારેક તકલીફ વધારી શકે છે. ભારતીય વાસ્તુના સરળ સિદ્ધાંતો દ્વારા તેમને ખૂબ જ ફાયદો થયો. ખાસ કરીને ઘરમાં ગુગળનો ધૂપ કરવા ઉપરાંત થોડું પ્લાન્ટેશન અને રીચ્યુઅલ જેવી સામાન્ય બાબતોથી લાભ થયો. ભારતીય વાસ્તુના નિયમો સરળ છે તેથી સમજી શકાય તેવા છે. તેમાં કોઈ પદાર્થ કે વસ્તુનો ઉપયોગ કરવાની વાત નથી. કુદરતમાં રહેલા પાંચ તત્વો સાથે શરીરના પાંચ તત્વોના સંતુલનથી બ્રહ્માંડની ઊર્જાનો હકારાત્મક લાભ લેવાની વાત ભારતીય વાસ્તુમાં કરવામાં આવેલી છે.

ભ્રમણાઃ મંદિરમાં દાન કરવાથી આપણે ઈશ્વરની મદદ કરીએ છીએ. તેથી ઈશ્વરે મદદ કરવી જ પડે છે.

સત્યઃ જે ઈશ્વરે સૃષ્ટિનું સર્જન કર્યું તેને પૈસાની શી જરુર? વળી ઈશ્વર તો સર્વત્ર છે. આપણે ચડાવેલાં ફળ  પણ ઈશ્વર નથી ખાતાં તો પૈસા તો શું કામ માગે? આ વિચાર પોતે જ ભૌતિકતાની પરાકાષ્ઠા છે.


Stay updated on the go with Chitralekha News App. Click here to download it for your device.
VIDEOS