Share on FacebookTweet about this on TwitterShare on Google+Pin on PinterestEmail this to someoneShare on LinkedInShare on TumblrPrint this page

કરનાળી નામની એક સુંદરનગરી નર્મદાના તીરે આવેલી છે. આ જગ્યાએ ૧૦૮ શિવ મંદિર છે . શાંત રમણીય જગ્યાએ કુબેર ભંડારીના મંદિર વિષે ઘણાને ખબર હશે કે પછી ગીતા મંદિરનું મહત્વ પણ ઘણાં જાણતા હશે પરંતુ આ નગરીમાં દક્ષિણામૂર્તિ શિવ મંદિર છે તે ખૂબ જ ઓછા લોકોને ખબર હશે. શિવને માયા પર બેઠેલા દર્શાવતી મૂર્તિ પૌરાણિક છે તેવી માન્યતા છે.” માયામાંથી મુક્તિ એટલે શિવ ની પ્રાપ્તિ.” આવા આધાર સાથે આ મૂર્તિ બનાવવામાં આવેલી હશે.

ભારતીય વસ્તુને ધ્યાનમાં રાખીને વિચાર કરીએ તો દક્ષિણ દિશાને માયાની દિશા ગણવામાં આવે છે અને જ્યાં માયાના આવરણો વધારે ત્યાં માનસિક તણાવ વધારે તેવું પણ સત્ય છે .તેથી જ આપણા વડવાઓ દક્ષિણને નકારાત્મક ગણતા હશે. જ્યાં માયાના આવરણ વધારે ત્યાં જરૂરિયાતો વધારે અને જરૂરિયાતો પુરી કરવાની ભાગદોડમાં જરૂરી વસ્તુઓ બાજુ પર રહી જતાં અસંતોષ પણ વધે. સંતોષ ઓછો થતાં મૃગજળની જેમ સુખની શોધમાં ભાગવાનું થાય અને સાચા સુખની સમજ ન હોવાથી અંતે હતાશા આવે . નિરાશા અને હતાશા માનસિક તણાવ આપે અને ઘણું હોવા છતાં નથીની ભાવના પ્રબળ થતાં સુખ નામનો શબ્દ જીવનમાંથી નીકળતો લાગે. શિવ તે શાંતિ અને મુક્તિનું પ્રતીક છે તેથી જ માયાથી મુક્ત થવાથી શાંતિનો અનુભવ થાય છે

દક્ષિણ દિશામાં દ્વાર હોય એટલે ખૂબ જ માનસિક તણાવનો અનુભવ કરવો પડે તેવી વાત છે પણ જો આ સિવાયની અન્ય સ્થિતિ વાસ્તુ આધારિત હોય તો દક્ષિણની નકારાત્મકતા ઓછી થઇ જાય છે. કરનાળીમાં દક્ષિણામૂર્તિની બાજુમાં જ સ્કુલ છે. અને થોડે આગળ ગીતા મંદિર. એટલે કે માયાને જ્ઞાનથી જીતી શકાય છે અને જો ગીતાજીનું જ્ઞાન એટલે કે જીવનનું તત્વજ્ઞાન મળી જાય તો જીવન સમૃદ્ધ બની જાય છે. દક્ષિણના વાસ્તુને સરળ રીતે સમજીએ તો તેનાથી ડર લાગતો નથી.

દક્ષિણ દિશામાં ઊંચા પહાડો  આવતા હોય તો સારું ગણાય છે. આનું મુખ્ય કારણ દક્ષિણ દિશામાંથી આવતા સૂર્યના સીધા કિરણોના લીધે ઉદભવતી ગરમી જ છે.જો દક્ષિણમાં ઊંચા પહાડો આવતા હોય તો સૂર્યના કિરણોનો પ્રકોપ ઓછો થઇ જાય છે. ખરેખર તો આ આર્કિટેક્ચરનો નિયમ જ ગણાય. મન વ્યગ્ર હોય તો તેના પર સંયમ ઓછો થઇ જાય છે. અને અંતે તે સાધુને પણ માયાનો રંગ લગાવી શકે છે.દક્ષિણ દિશામાં કમ્પાઉન્ડની દીવાલ ઊંચી રાખવાથી પણ સૂર્યના કિરણો કપાઈને આવે છે.

દક્ષિણમાં ઊંચા ઘટાદાર વૃક્ષો વાવવાથી પણ ઘરયા મકાન પર સૂર્યના નકારાત્મક કિરણો નથી પડતા અને તેના લીધે ઘરનું તાપમાન સચવાઇ રહે છે. ઘરનું તાપમાન સચવાઈ રહેવાથી મન પણ શાંત રહે છે. અપેક્ષાઓ ઓછી રહેવાથી અકળામણ ઓછી થાય છે અને જીવવાની માજા આવે. દક્ષિણ દિશાનો દોષ સંગ્રહ વૃત્તિ પણ આપે છે . ઘરમાં કોઈ પણ વસ્તુ જરુરીઆતથી વધારે હોય તો તે લાંબા સમય સુધી મૂકી રાખવાથી તેની પણ નકારાત્મકતા ઉભી થાય છે જે અંતે કંકાશ રૂપે બહાર આવે છે. આવા સમયે ગણેશજીને ગોળ ધરાવીને પ્રસાદ લઇ લેવો.

દક્ષિણમાં સૂર્ય મધ્યાહનના સમયે હોવાથી કોઈપણ મુખ્ય કાર્યને આ દિશામાં ન કરવાની વાત કરવામાં આવેલી છે. સમગ્ર મકાનમાં આ જગ્યા સહુથી વધારે તપે છે તેથી જ ત્યાં દિવસ દરમિયાનની કોઈપણ એક્ટિવિટીને નકારાત્મક ગણવામાં આવે છે. જો દક્ષિણ દિશાની રચના ભારતીય વાસ્તુના નિયમોને ધ્યાનમાં રાખીને કરવામાં આવશે તો આ દિશાની નકારાત્મકતાનો અનુભવ નહીં થાય.

ભ્રમણા:

દક્ષિણમાં દ્વાર ન જ હોવું જોઈએ.

સત્ય:

આ અધૂરી માન્યતા છે. જો વાસ્તુ નિયમોને સમજીને દ્વાર મૂકવામાં આવે તો તે  યોગ્ય બની શકે છે.


Stay updated on the go with Chitralekha News App. Click here to download it for your device.
VIDEOS