Share on FacebookTweet about this on TwitterShare on Google+Pin on PinterestEmail this to someoneShare on LinkedInShare on TumblrPrint this page

મેરિકાની ફેડરલ રીઝર્વે ડિસેમ્બર 2016 પછી ફરીથી વ્યાજ દરમાં 0.25 ટકાનો વધારો કરીને વિશ્વને ચોંકાવી દીધું છે. હવે યુએસએમાં વ્યાજ દર વધીને 0.75-1.00 ટકા થઈ ગયો છે. ખરેખર જોવા જઈએ તો અમેરિકામાં વ્યાજ દર વધે તે એશિયાઈ દેશો અને માર્કેટ માટે નેગેટિવ ફેકટર સાબિત થાય છે, પણ આ વખતે ઉલટું થયું છે. એશિયા, યુરોપ અને ભારતીય સ્ટોક માર્કેટમાં ધડાકાભેર તેજીની આગેકૂચ જળવાઈ છે. બીએસઈ સેન્સેક્સ અને એનએસઈ નિફટીએ લાગલગાટ ત્રણેય દિવસ નવી હાઈ બનાવી છે. સેન્સેક્સે 29,824.62ની વર્ષની નવી ઊંચાઈ દર્શાવી છે, તો નિફટીએ 9218.40 લાઈફ ટાઈમ હાઈની નવી સપાટી બતાવી છે. નવા રેકોર્ડ સર કર્યા છે.

ફેડરલ રીઝર્વના ફેડ રેટનું ફેક્ટ

– ફેડરલ રીઝર્વે 2006 પછી ડિસેમ્બર 2016માં વ્યાજ દરમાં વધારો કરવાનો શરૂ કર્યું
– તેની પહેલાં અમેરિકી સેન્ટ્રેલ બેંકે 2015માં બોન્ડ ખરીદીની યોજના બંધ કરી અને વ્યાજ દરમાં વધારો કરવાનો નિર્ણય લીધો હતો
– પાછલાં ત્રણ મહિનામાં જ ફેડરલ રીઝર્વ બે વખત વ્યાજદરમાં વધારો કર્યો છે
– 2017ના વર્ષમાં જ 3  બે વખત વ્યાજ દરમાં વધારો કર્યો છે
– ફેડરલ રીઝર્વના ચેરમેન જેનેટ યેલેન વર્ષની શરૂઆતમાં જ કહ્યું હતું કે અમો 2017માં ત્રણ વખત વ્યાજ દરમાં વધારો કરીશું
– અમેરિકન ઈકોનોમી મજબૂત થઈ રહી છે, તેની ગ્બોબલ માર્કેટ પર પોઝિટિવ અસર પડશે

માર્કેટ એક્સપર્ટ પણ ચક્કર ખાઈ ગયાં છે, કે આમ કેમ… ? અત્યાર સુધી ફેડ રેટ વધે તે ભારતીય સ્ટોક માર્કેટ માટે નેગેટિવ કારણ થતું હતું. તેની સીધો જ તર્ક આપી શકાય કે અમેરિકામાં વ્યાજ દર વધે તો ત્યાંના રોકાણકારો અમેરિકામાં જ રોકાણ કરે. તેઓ ભારતમાં કે એશિયાઈ દેશોમાં રોકાણ કરવા ન આવે. સીધુસાદુ ગણિત છે કે પોતાના દેશમાં જ વ્યાજ દર ઊંચો તો કોઈપણ રોકાણકાર પોતાના દેશમાં જ રોકાણ કરે… બીજા દેશમાં રોકાણ કરીને શા માટે રિસ્ક ઉભુ કરે. ભારતીય સ્ટોક માર્કેટની સાથે સાથે એશિયાઈ સ્ટોક માર્કેટ પર તેની અસર પડી નથી. એક વાત એ હોઈ શકે કે ફેડ રેટમાં વધારાની તેજીની અસર શોર્ટ ટર્મ માટે હોઈ શકે. લાંબાગાળે ફેડ રેટનો વધારો ભારતીય શેરબજારમાં નરમાઈની અસર ઉભી કરશે.

અમેરિકાના નવા ચૂંટાયેલા પ્રમુખ ડોનાલ્ડ ટ્રમ્પની સ્થાનિક પૉલીસીને કારણે પણ ભારત અને એશિયાઈ દેશોની ઈકોનોમીને ગંભીર વિપરીત અસર પડશે. H-1B વીઝા મામલો, નોકરીમાં અમેરિકન ફર્સ્ટની નીતિ, ગોરા-કાળાનો ભેદ, ભારતીયો પર હુમલાના કિસ્સામાં વધારો થઈ રહ્યો છે. આઉટસોર્સિંગ કંપનીઓ પર પણ તવાઈ આવશે. નવા ભારતીયોને નોકરી રાખવા પર અમેરિકન કંપનીઓ પ્રતિબંધ તો નહી મુકે, પણ અંદરખાને નવી નોકરી નહીં આપે. આ ડેવલપમેન્ટ થયું છે, તેને કારણે એશિયાઈ દેશોની ઈકોનોમીની પ્રગતિ કે ગ્રોથ પર અસર પડશે. અમેરિકન રોકાણકારો પણ બીજા દેશોમાં રોકાણ કરતાં પહેલા 100 વાર વિચાર કરશે. અને અન્ય વિકસિત દેશોના રોકાણકારો પણ અમેરિકામાં રોકાણ કરવા નહી જાય. ટ્રમ્પની નીતિઓનો કોઈ ભરોસો નથી. જેથી હાલ તો અમેરિકામાં અવિશ્વાસનું વાતાવરણ સર્જાયું છે.

હા.. એક વાત છે કે અમેરિકન ઈકોનોમી મજબૂત થઈ રહી છે, તે નિશાની સારી છે. તેની દુનિયાના તમામ દેશો પર પોઝિટિવ અસર પડે. કારણ કે દુનિયા આખી અમેરિકા સાથે જોડાયેલી છે. વેપારધંધો હોય કે નોકરી કે પછી સામાજિક રીતે…

પણ અમેરિકામાં વ્યાજ દર વધે તે એશિયાઈ સ્ટોક માર્કેટ માટે લાંબાગાળે નેગેટિવ ફેકટર છે. ભારતીય શેરબજારમાં હાલ ભલે તેજી ચાલતી હોય. તેજીના સેન્ટિમેન્ટમાં મંદીના કારણો ડિસ્કાઉન્ટ થઈ જતાં હોય છે, પણ અમેરિકન રોકાણકારો જ્યારે તેમના પૈસા પાછા ખેંચશે ત્યારે ભારતીય શેરબજાર ગબડ્શે, જેથી બુલ ઓપરેટરો અને લાંબાગાળાના રોકાણકારોએ તો સચેત રહેવાની જરૂર છે. નવા ઈન્વેસ્ટમેન્ટથી દૂર રહેવું. અને દરેક ઊંચા મથાળે પ્રોફિટ બૂકિંગ કરવું જોઈએ.


Stay updated on the go with Chitralekha News App. Click here to download it for your device.
VIDEOS