મુંબઈમાં 21 સપ્ટેંબર, ગુરુવારે ટીવી શો ‘ડાન્સ પ્લસ 3’ શોનાં સેટ પર આગામી નવી હિન્દી ફિલ્મ ‘જુડવા 2’નો પ્રચાર કરવામાં આવ્યો હતો. એ પ્રસંગે ફિલ્મની બે અભિનેત્રીઓ તાપસી પન્નુ અને જેકલીન ફર્નાન્ડિસ તથા નિર્માતા-કોરિયોગ્રાફર રેમો ડીસોઝા ઉપસ્થિત રહ્યાં હતાં. ‘જુડવા 2’ ફિલ્મ આવતી 29 સપ્ટેંબરે રિલીઝ થવાની છે. ડેવિડ ધવન દિગ્દર્શિત આ ફિલ્મમાં વરુણ ધવન ડબલ રોલમાં છે.


Stay updated on the go with Chitralekha News App. Click here to download it for your device.

આવતા વર્ષે હરિયાણાના ગુરુગ્રામમાં વર્લ્ડ ચેમ્પિયનશિપ ઓફ યોગા સ્પોર્ટ્સનું આયોજન કરવામાં આવનાર છે. 21 સપ્ટેંબર, ગુરુવારે ગુરુગ્રામમાં પત્રકાર પરિષદમાં ઓલ ઈન્ડિયા યોગા સ્પોર્ટ્સ એસોસિએશનના પ્રમુખ સૂરજપાલ સિંહ, ઈન્ટરનેશનલ યોગા સ્પોર્ટ્સ ફેડરેશનના પ્રમુખ રાજશ્રી ચૌધરીએ સ્પર્ધાના આયોજનની જાહેરાત કરી હતી.


Stay updated on the go with Chitralekha News App. Click here to download it for your device.

 ગુજરાતના પેટ્રોકેમિકલ્સ એન્ડ પેટ્રોલિયમ ઇન્ડસ્ટ્રિયલ રીજીયન-PCPIR દહેજમાં કેન્દ્ર સરકાર સેન્ટ્રલ ઇન્સ્ટિટયૂટ ઓફ કેમિકલ એન્જીનિયરિંગ એન્ડ ટેકનોલોજી- CCETની સ્થાપના કરશે.

વિશ્વમાં આ પ્રકારની પ્રથમ સંસ્થા તરીકે નિર્માણ પામનાર આ ઇન્સ્ટિટયૂટ માટે ગુજરાત સરકાર જમીન ફાળવણી અને અન્ય પ્રક્રિયામાં સંપૂર્ણ સહયોગ આપશે.

મુખ્યપ્રધાન વિજય રૂપાણીએ ગાંધીનગરમાં મહાત્મા મંદિર ખાતે આયોજિત ઇન્ડિયા કેમ ગુજરાત-ર૦૧૭ની પાંચમી કોન્ફરન્સ અને એકઝીબિશનનું ઉદ્દઘાટન કેન્દ્રીયપ્રધાન અનંથકુમાર અને મનસુખભાઇ માંડવીયાની ઉપસ્થિતિમાં કર્યુ હતું.અનંથ કુમારે ગુજરાતના પેટ્રોકેમિકલ્સ ઊદ્યોગોના રાષ્ટ્રીય સ્તરે યોગદાનની સરાહના કરતાં દહેજ PCPIRને પેટ્રોકેમિકલ-કેમિકલ ઇન્ડસ્ટ્રીઝનું ભારતનું કાશી ગણાવ્યું હતું.

કેન્દ્રીય પેટ્રો રસાયણ મંત્રી શ્રી અનંથ કુમારે આ કોન્ફરન્સમાં દહેજમાં CCETની સ્થાપના કરવાની જાહેરાત કરી હતી.સીએમ રૂપાણીએ ગુજરાત દેશના કેમિકલ આઉટપૂટમાં ૩પ ટકા અને નિકાસમાં ૧૮ ટકા ના યોગદાન સાથે કેમિકલ્સ-પેટ્રોકેમિકલ્સ હબ બન્યું છે તેનો હર્ષ વ્યકત કર્યો હતો. રાજ્યમાં ૧૬૦૦૦ લઘુ અને પ૦૦ જેટલા મોટા-મધ્યમ રસાયણ ઉત્પાદન એકમો કાર્યરત છે. દહેજ દેશનું LNG ટર્મીનલ અને PCPIRની વિશેષતા ધરાવતું આગવું મથક છે. તેને કેમિકલ-પેટ્રોકેમિકલ ઊદ્યોગોનું સેન્ટર પોઇન્ટ બનાવવાની દિશામાં રાજ્ય સરકાર સક્રિય છે.

 

દહેજ PCPIRની વિશેષતાઓની ભૂમિકા આપતાં જણાવાયું કે, ૪પ૩ સ્કે. કિ.મી.ના આ PCPIRમાં ૩૦ હજારથી વધુ લોકોને રોજગારી મળી રહી છે. દહેજ ખાતે ઓ.એન.જી.સી.નો ઓપેલ પ્લાન્ટ પ્રધાનમંત્રીશ્રીના દહેજને પેટ્રોકેમિકલ બનાવવાના સપનાનો પ્રતિઘોષ પાડે છે.દહેજની વિકાસ સંભાવના ધ્યાને રાખીને રૂા. ૧૭પ કરોડના ખર્ચે ૧ લાખ કન્ટેનર ક્ષમતાનો લોજીસ્ટીક પાર્ક આકાર પામશે. આ અંગેના MoU વાયબ્રન્ટ સમિટ ર૦૧૭માં થયા છે.

અનંથ કુમારે દહેજના વિકાસ માટે કેન્દ્ર સરકાર ‘વાયેબીલીટી ગેપ ફન્ડીંગ’ રાજ્ય સરકારની માંગ મુજબ આપશે તેવી ખાતરી આપતાં એમ પણ ઉમેર્યુ કે, દહેજની ક્ષમતાનો પૂર્ણતઃ ઉપયોગ કરીને ર૦૪૦ સુધીમાં આ રિજીયનમાં ૮ લાખ રોજગારીના સર્જનનો ઉદ્દેશ સાકાર કરવો છે.


Stay updated on the go with Chitralekha News App. Click here to download it for your device.

ચેન્નાઈ – દિલ્હીના મુખ્યપ્રધાન અને આમ આદમી પાર્ટીના સંયોજક અરવિંદ કેજરીવાલ આ શહેરની મુલાકાત દરમિયાન આજે દક્ષિણી ફિલ્મોના સુપરસ્ટાર, દિગ્દર્શક અને નિર્માતા કમલ હાસનને એમના નિવાસસ્થાને જઈને મળ્યા હતા અને પોતાની આમ આદમી પાર્ટીમાં જોડાવાની એમને વિનંતી કરી હતી.

ચેન્નાઈની મુલાકાતે આવેલા કેજરીવાલે કમલ હાસનને એમના નિવાસે મળ્યા બાદ બંને હસ્તીએ સાથે મળીને પત્રકાર પરિષદને સંબોધિત કરી હતી.

ઉલ્લેખનીય છે કે કમલ હાસન અગાઉ કહી ચૂક્યા છે કે તેઓ રાજકારણમાં પ્રવેશ કરશે અને એમણે ભાજપ કે કોંગ્રેસને બદલે આમ આદમી પાર્ટીના વડા કેજરીવાલને મળવાનું પસંદ કર્યું છે.

સૂત્રોના જણાવ્યા મુજબ, કેજરીવાલે કમલ હાસનને વિનંતી કરી છે કે તેઓ રાજકારણમાં પ્રવેશ કરે અને આમ આદમી પાર્ટીમાં જોડાય.

કમલ હાસને અગાઉ એવો દાવો કર્યો હતો કે પોતે રાજકારણમાં પ્રવેશવા ઈચ્છે છે અને નેતાઓને મળી રહ્યા છે. એ માટે એમણે કેરળના મુખ્યપ્રધાન પિનારાઈ વિજયન પાસેથી પણ સલાહ લીધી છે.

કમલ હાસનને તામિલ નાડુના શાસક અખિલ ભારતીય અન્નાદ્રમુક (AIADMK) પાર્ટી સાથે વાંકું પડ્યું છે, કારણ કે એમણે તાજેતરમાં જ આ પાર્ટીના બે જૂથ એકબીજામાં વિલીન થયા હતા એની ટીકા કરી હતી.


Stay updated on the go with Chitralekha News App. Click here to download it for your device.

મુંબઈ – નિર્માતા અને દિગ્દર્શક સંજય લીલા ભણસાલીએ એમની આગામી નવી ફિલ્મ ‘પદ્માવતી’નું ટીઝર પોસ્ટર ગઈ કાલે રિલીઝ કર્યા બાદ આજે ફિલ્મનું ફર્સ્ટ લૂક જાહેર કર્યું છે.

ફર્સ્ટ લૂકમાં દીપિકા પદુકોણને રાજપૂત ઠસ્સા સાથે રજૂ કરવામાં આવી છે. દીપિકા ફિલ્મમાં રાણી પદ્માવતીની શિર્ષક ભૂમિકા કરી રહી છે.

ફર્સ્ટ લૂકમાં દીપિકા અસ્સલ રાજપૂત રાણી જેવી જ ઠસ્સાદાર દેખાય છે.

ફિલ્મ આ વર્ષની પહેલી ડિસેંબરે રિલીઝ કરાય એવી ધારણા છે.

ભણસાલીએ ‘પદ્માવતી’ તરીકે દીપિકાનાં ત્રણ લૂક રિલીઝ કર્યા છે.

ઈતિહાસવિદ્દોનું કહેવું છે કે રાણી પદ્માવતી બીજી કોઈ પણ રાણીઓ કરતાં ખૂબ જ સુંદર હતી.

ફર્સ્ટ લૂકમાં દીપિકાને પરંપરાગત રાજવી રાજપૂત સાડીમાં સજ્જ થયેલી બતાવવામાં આવી છે. એને રાજપૂત જમાનાની જ્વેલરી, બોદલા/દામણી (સેંથી આગળ બંધાતું ઘરેણું), નેકલેસ, ઝૂમખા, બંગડીઓથી પણ શણગારવામાં આવી છે.


Stay updated on the go with Chitralekha News App. Click here to download it for your device.

અમદાવાદના કલાકારોએ ચેકરીપબ્લિક દેશમાં યોજાયેલ 17 દેશોના લોકનૃત્યની સ્પર્ધામાં ભારતને પ્રથમ સ્થાન અપાવ્યું હતું. ચેક રીપબ્લિક દેશના બાર્નો અને કાર્વેની કોસ્ટોલેક શહેરમાં આ સ્પર્ધા યોજાઇ હતી. ત્યાંની સરકારે યોજેલા આ કાર્યક્રમમાં ભારત સરકાર તરફથી રંગસાગર પરફોર્મિંગ આર્ટના 27 ગુજરાતી કલાકારોએ 7-7- દિવસની બે સ્પર્ધામાં ભાગ લીધો હતો. જેમાં 17 દેશના કલાકારોએ પોતાના દેશના સાંસ્કૃતિક નૃત્યો રજૂ કર્યાં હતાં. જેમાં તાલ બેલીયા, ગરબા, હૂડો, ટીપણી અને રાસ રજૂ કરીને આ ગ્રુપે પહેલો નંબર જીતી લીધો હતો.


Stay updated on the go with Chitralekha News App. Click here to download it for your device.

અમદાવાદ– શેરબજારમાં એકતરફી તેજી પછી પ્રત્યાઘાતી નરમાઈ રહી હતી. અમેરિકાના પ્રેસિડેન્ટ ડોનાલ્ડ ટ્રમ્પની નોર્થ કોરિયાને ચેતવણી પછી વિશ્વના સ્ટોક માર્કેટમાં સાવચેતીરૂપી કામકાજ જોવાયા છે. અમેરિકામાં ફેડરલ રીઝર્વની બેઠકમાં વ્યાજ દરમાં કોઈ જ ફેરફાર કરાયો નથી. જેને પગલે એશિયાઈ સ્ટોક માર્કેટ અને યુરોપના સ્ટોક માર્કેટ બે તરફી વધઘટમાં અથડાઈ ગયા હતા. જેની પાછળ ભારતીય શેરબજારમાં પણ નવી લેવાલી માત્ર ફાર્મા સ્ટોકમાં હતી, બાકીના સેકટરમાં પ્રોફિટ બુકિંગ આવ્યું હતું. બે તરફી વધઘટ વચ્ચે ટ્રેડિંગ સેશનને અંતે બીએસઈ સેન્સેક્સ 30.47(0.09 ટકા) ઘટી 32,370.04 બંધ રહ્યો હતો. તેમજ એનએસઈ નિફટી ઈન્ડેક્સ 19.25(0.19 ટકા) ઘટી 10,121.90 બંધ થયો હતો.

અમેરિકી ફેડરલ રીઝર્વે ધારણા મુજબ જ વ્યાજ દરોમાં કોઈ જ ફેરફાર નથી કર્યો અને ઓકટોબરમાં રાહત પેકેજ પાછુ લેવાની વાત કરી છે. આ સાલમાં વ્યાજ દરમાં એક વધારો અને 2018માં વધુ ત્રણ વખત વધારો થશે. ફેડનું કહેવું હતું કે પ્રોત્સાહક ગ્રોથ, ઓછી બેરોજગારી અને 2 ટકા મોંઘવારી રાખવાનું લક્ષ્યાંક છે. ફેડરલ રીઝર્વે 2008થી રાહત પેકેજ અનુસાર બોન્ડ ખરીદવાના શરૂ કર્યા હતા. ફેડની બેઠકનું આઉટકમ આવ્યા પછી વિશ્વના સ્ટોક માર્કેટના સેન્ટિમેન્ટ પર કોઈ ખાસ અસર પડી ન હતી. એશિયાઈ સ્ટોક માર્કેટમાં મિશ્ર હવામાન હતું. બપોરે યુરોપિયન સ્ટોક માર્કેટ સામાન્ય પ્લસ હતા. તેની પાછળ આજની ટ્રેડિંગ સેશનમાં ભારતીય શેરબજારમાં બે તરફી વધઘટ વચ્ચે લેવાલી અને વેચવાલી એમ બે બાજુના કામકાજ રહ્યા હતા. મોટાભાગે તમામ સેકટરના શેરોમાં ઊંચા મથાળે વેચવાલી આવી હતી. જો કે નીચા મથાળે ફાર્મા સેકટરના શેરોમાં જાણકાર વર્તુળોની નવી લેવાલી આવતાં ફાર્મા સ્ટોક ઊંચકાયા હતા, અને આથી સેન્સેક્સ અને નિફટી ઘટ્યા મથાળેથી રીકવર થયા હતા.

  • બેંક, ઓટોમોબાઈલ, કેપિટલ ગુડઝ, એફએમસીજી, મેટલ, ઓઈલ, ગેસ અને પીએસયુ સેકટરના શેરોમાં ભારે વેચવાલીથી નરમાઈ રહી હતી.
  • આજે ઘટતા બજારે ડૉ. રેડ્ડીની રાહબરી હેઠળ ફાર્મા સેકટરના શેરોમાં નવી લેવાલી આવી હતી. જેથી બીએસઈ હેલ્થકેર ઈન્ડેક્સમાં 377 પોઈન્ટનો ભારે ઉછાળો આવ્યો હતો.
  • રોકડાના શેરોમાં વેચવાલી હતી. બીએસઈ મીડકેપ ઈન્ડેક્સ 55.07 ઘટ્યો હતો.
  • બીએસઈ સ્મોલકેપ ઈન્ડેક્સ 86.02 માઈનસ બંધ હતો.

Stay updated on the go with Chitralekha News App. Click here to download it for your device.