ભારતીય હોકી ટીમ બની એશિયા કપ ચેમ્પિયન

0
1825

ઢાકા – ભારતના સિનિયર પુરુષોની હોકી ટીમે આજે અહીં રમાયેલી ફાઈનલ મેચમાં મલેશિયાને ૨-૧થી હરાવીને એશિયા કપ હોકી સ્પર્ધા જીતી લીધી છે.

આમ, ભારતીય ટીમ સમગ્ર સ્પર્ધામાં પરાજયવિહોણી રહી છે.

રાઉન્ડ રોબીન લીગમાં મલેશિયાને હરાવી ચૂકી હોવાથી ભારતીય ટીમ આજની ફાઈનલ જીતીને ટ્રોફી હાંસલ કરવા માટે પહેલેથી જ ફેવરિટ હતી.

ભારત બે ગોલ કરનાર ખેલાડી છે – રમનદીપ સિંહ અને લલિત ઉપાધ્યાય. રમનદીપે ત્રીજી મિનિટે ગોલ કર્યો હતો જ્યારે ઉપાધ્યાયે ૨૯મી મિનિટે ટીમનો બીજો ગોલ કર્યો હતો. મલેશિયાનો એકમાત્ર ગોલ ૫૦મી મિનિટે શરીલ સાબાહે કર્યો હતો.

ભારતે આ ત્રીજી વાર એશિયા કપ હોકી સ્પર્ધા જીતી છે.

ભારતના ગોલકીપર આકાશ ચિકટેને સ્પર્ધાનો બેસ્ટ ગોલકીપરનો એવોર્ડ આવ્યો છે.

ભારતનો ગોલકીપર આકાશ ચિકટે – સ્પર્ધાનો બેસ્ટ ગોલી ઘોષિત

ભારતના સિનિયર પુરુષોની હોકી ટીમે ઢાકામાં 22 ઓક્ટોબર, રવિવારે રમાયેલી ફાઈનલ મેચમાં મલેશિયાને 2-1 ગોલના તફાવતથી હરાવીને એશિયા કપ હોકી સ્પર્ધામાં વિજેતા ટ્રોફી જીતી લીધી છે. ભારતીય ટીમે આ ત્રીજી વાર એશિયાઈ વિજેતાપદ હાંસલ કર્યું છે. ભારતે આ પહેલાં 2003 અને 2007માં આ ટ્રોફી જીતી હતી. ભારતની આજની જીત રમનદીપ સિંહ (ત્રીજી મિનિટ) અને લલિત ઉપાધ્યાય (29મી મિનિટ)ના ગોલને આભારી છે. મલેશિયાનો એકમાત્ર ગોલ 50મી મિનિટે થયો હતો.