રશિયામાં અનુપમા રામચંદ્રન બની વર્લ્ડ ઓપન અન્ડર-૧૬ સ્નૂકર ચેમ્પિયન

0
1121

સેન્ટ પીટર્સબર્ગ (રશિયા) – ભારતની અનુપમા રામચંદ્રને અહીં વર્લ્ડ ઓપન અન્ડર-૧૬ સ્નૂકર સ્પર્ધા જીતીને મોટી સિદ્ધિ હાંસલ કરી છે.

છોકરીઓની કેટેગરીમાં, વિજેતાપદ માટેનો મુકાબલો ઓલ-ઈન્ડિયન બની ગયો હતો. દ્વિતીય સીડ અનુપમાએ ફાઈનલ જંગમાં ભારતની જ ટોપ સીડ કીર્તના પાંડિયનને ૩-૧થી પરાસ્ત કરી હતી.

સેમી ફાઈનલમાં તામિલનાડુની અનુપમાએ બેલારુસની હરીફને ૩-૦થી અને તે પહેલાં ક્વોર્ટર ફાઈનલમાં રશિયાની ખેલાડીને ૩-૦થી હરાવી હતી.

છોકરાઓની કેટેગરીમાં વેલ્સનો ખેલાડી ચેમ્પિયન બન્યો છે.

આ સ્પર્ધામાં દુનિયાભરમાંથી કુલ ૭૩ ક્યૂઈસ્ટ્સે ભાગ લીધો હતો.