શેરબજારમાં ઊંચા મથાળે ભારે વેચવાલી, સેન્સેક્સ 90 પોઈન્ટ ઘટ્યો

0
1018

અમદાવાદ– શેરબજારમાં શરૂની તેજી પછી નરમાઈ રહી હતી. બપોર પછી યુરોપિયન સ્ટોક માર્કેટ નેગેટિવ હતા, અને અમેરિકી સ્ટોક માર્કેટના ફયુચર માઈનસ હતા. સાથે નોર્થ કોરિયા પર અમેરિકાના બોમ્બર્સ ઉડી રહ્યા હોવાના સમાચાર વચ્ચે ભારતીય શેરોમાં જોરદાર વેચવાલી ફરી વળી હતી. જેથી શેરબજાર ઊંચા મથાળેથી પટકાયું હતું. ટ્રેડિંગ સેશનને અંતે સેન્સેક્સ 90.42(0.28 ટકા) ઘટી 31,833.99 બંધ રહ્યો હતો. તેમજ નિફટી 32.15(0.32 ટકા) ઘટી 9984.80 બંધ થયો હતો.

અમેરિકા અને નોર્થ કોરિયા વચ્ચે તંગદિલી વધી છે, જે સમાચાર પાછળ એશિયાઈ સ્ટોક માર્કેટ પણ શરૂની મજબૂતી પછી નરમ રહ્યા હતા. બપોરે યુરોપિયન સ્ટોક માર્કેટ માઈનસ હતા. ભારતીય શેરબજાર છેલ્લા ત્રણચાર દિવસ એકતરફી વધી રહ્યું હતું, જેથી પ્રત્યાઘાતી ઘટાડો આવવાની અપેક્ષા હતા. જે મુજબ આજે સેન્સેક્સ 32,000 અને નિફટી 10,050ની ઉપર જતાં તેજીવાળા ખેલાડીઓએ ઊંચા મથાળે પ્રોફિટ બુકિંગની તક ઝડપી હતી, અને શેરોની જાતેજાતમાં વેચવાલી કાઢી હતી. પરિણામે સેન્સેક્સ ઊંચા મથાળેથી 329 પોઈન્ટ અને નિફટી 115 પોઈન્ટ તૂટ્યા હતા. – આજે ઓટોમોબાઈલ, બેંક, કેપિટલ ગુડ્ઝ, ફાર્મા, મેટલ અને પીએસયુ સેકટરના શેરોમાં ભારે વેચવાલીથી ગાબડા પડ્યા હતા.

  • જો કે નરમ બજાર પણ આઈટી, ઓઈલ, ગેસ અને ટેકનોલોજી સેકટરના શેરોમાં નવી લેવાલીથી મજબૂતી જોવાઈ હતી.
  • રોકડાના શેરોમાં એકતરફી તેજી થયા પછી આજે પ્રોફિટબુકિંગ આવ્યું હતું. બીએસઈ મીડકેપ ઈન્ડેક્સ 131.09 માઈનસ બંધ થયો હતો.
  • બીએસઈ સ્મોલકેપ ઈન્ડેક્સ 181.74 ગબડીને 16,710 બંધ થયો હતો.
  • નાણાપ્રધાન અરૂણ જેટલીએ અમેરિકામાં કહ્યું હતું કે નોટબંધી અને જીએસટીથી જ ઈકોનોમીમાં તેજી આવશે અને જીડીપી ગ્રોથ વધશે. નોટબંધીથી બ્લેકમનીને સમાપ્ત કરવાનો પ્રયત્ન ચાલી રહ્યો છે. અમેરિકી રોકાણકારોને વિશ્વાસ આપ્યો હતો કે આવનારા દિવસોમાં જીએસટીની પ્રક્રિયાને સરળ કરાશે.
  • આઈએમએફે ભારતના જીડીપી ગ્રોથનું અનુમાન ઘટાડ્યું છે.
  • લક્ષ્મી વિલાસ બેંકનો નફો 84 ટકા ઘટ્યો હતો.