નાશિક (મહારાષ્ટ્ર) – આગામી લોકસભા ચૂંટણીમાં અહીંના શિવાજી સુભાષ વાઘ નામના એક અપક્ષ ઉમેદવારે પણ ઝુકાવ્યું છે.
આ ઉમેદવાર ચૂંટણીમાં જીતી શકે એવી કોઈ ખાતરી નથી, પણ એણે એક એવું પગલું ભર્યું છે જેને કારણે એ ન્યૂઝમાં છવાઈ ગયા છે.
શિવાજી વાઘે ઉમેદવારીપત્ર સુપરત કરતી વખતે ડિપોઝીટની રકમ પણ ભરી હતી, પણ એ ઢગલાબંધ છૂટ્ટા સિક્કા લાવ્યા હતા. થેલીઓ ભરીને એ 1 તથા 2 રૂપિયાના સિક્કા લાવ્યા હતા, જે રકમ 10 હજાર રૂપિયા હતી.
આવડી મોટી રકમ સિક્કાઓમાં ગણીને ચૂંટણી પંચનાં કર્મચારીઓ બચાડા થાકી ગયા હતા.
