યુએસઃ લાસ વેગાસમાં કેસીનોમાં ફાયરિંગમાં 59ના મોત, 400થી વધુ ઘાયલ

0
1724

લાસ વેગાસ/અમેરિકા- અમેરિકાના લાસ વેગાસમાં ફાયરિંગની ઘટના બની છે. એક બંદૂકધારી શખ્સે ‘મેન્ડલે બૅ’ રિસોર્ટમાં કેસીનો પર હુમલો કર્યો હતો. અહીં મ્યુઝિક ફેસ્ટિવલ ચાલી રહ્યો હતો તે દરમિયાન હુમલાખોર ધસી આવ્યો અને અંધાધૂંધ ફાયરિંગ કર્યું હતુ. પોલિસે હુમલાખોરને રોકવા માટે જવાબી કાર્યવાહી પણ કરી હતી. હુમલામાં 400 લોકો ઘાયલ થયાં હોવાની માહિતી પ્રાપ્ત થઈ રહી છે, સાથે જ 59 વ્યક્તિઓના મૃત્યુ પણ થયા છે. હુમલાને પગલે લાસ વેગાસમાં વિમાની સેવાઓ બંધ કરી દેવામાં આવી છે. ભારતીય સમયપ્રમાણે મોડીસાંજે પોલીસના કહેવા પ્રમાણે ફાયરિંગમાં ઘાયલ થયેલા 406 લોકોને હોસ્પિટલમાં સારવાર માટે લઈ જવાયા છે.

પોલીસે હુમલાખોરને વળતો જવાબ આપતા તેને મોતને ઘાટ ઉતાર્યો હતો. તેનું નામ સેમ્યુઅલ હૈદી હોવાનું બહાર આવ્યું છે. તો આ સાથે જ હાલ સમગ્ર વિસ્તારમાં રેડ એલર્ટ જાહેર કરી દેવામાં આવ્યું છે. અને કોઈપણ વ્યક્તિને ઘટના સ્થળ તરફ ન જવા અપીલ કરવામાં આવી રહી છે. આશંકા છે કે અન્યકોઈ જગ્યાએ પણ હુમલાખોરો છુપાયેલા હોઈ શકે છે. જેથી પોલીસે હાલ સમગ્ર વિસ્તારને કોર્ડન કરી સર્ચ ઓપરેશન સહિત લોકોને બચાવવાની કામગીરી હાથ ધરી છે. હાલ હુમલાખોર વિશે કોઈ માહિતી પ્રાપ્ત થઈ નથી. પોલીસ તપાસ બાદ સમગ્ર મામલે જાણકારી પ્રાપ્ત થશે.

તાજેતરના દિવસોમાં અમેરિકાના ઈતિહાસમાં આ અત્યાર સુધીના ગોળીબારની ઘટનામાં સૌથી ઘાતક ઘટના છે. પોલીસના કહેવા પ્રમાણે બંદુકધારીની ઓળખ થઈ ગઈ છે. તે બંદુકધારી 64 વર્ષનો સ્ટીફન પૈડોક હતો, અને તે સ્થાનિક રહેવાશી છે. સ્વૈટ ટીમે તેને ઠાર કર્યો હતો. હુમલાખોરે સંગીત સમારોહના સ્થળની પાસે ‘મેન્ડલે બૅ’ ના 32માં માળે ગોળીબાર કર્યા હતા.

સ્માર્ટફોનમાં લેવાયેલ ફૂટેજમાં દેખાય છે કે આંતરરાષ્ટ્રીય સમયનુસાર સોમવારે સવારે 5 વાગ્યે ગોળીઓ ચલાવી છે, અને લોકોની બુમાબુમ સંભળાઈ હતી.

કન્સર્ટમાં હાજર લોકોએ જણાવ્યું હતું કે ફાયરિંગનો અવાજ માંડલે બે હોટલ એન્ડ કેસીનોના ઉપરના માળથી કન્ટ્રી મ્યૂઝિકલની ચારે બાજુથી આવી રહી હતી. નજરે જોનારાના કહેવું હતું કે આ ઓટોમેટિક બંદુકની અવાજ હતી. અને કન્સર્ટ વેન્યૂ પર ગોળીઓનો વરસાદ વરસાવી દીધો હતો. જેથી લોકો આમતેમ ભાગી રહ્યા હતા. જેમાં કેટલાક લોકો તો ટ્રોપિકાના હોટલ-કેસીનોના બેઝમેન્ટમાં છિપાઈ ગયા હતા. ઘટનાસ્થળ પર પહોંચીને કેટલાક ઓફિસરોએ પોતાની ગાડીઓની પાછળથી નિશાન તાક્યું હતું. તો કેટલાક લોકો હથિયારો સાથે માંડલે બે હોટલ અને કેસીનો તરફ ગયા હતા. ફાયરિંગની સૂચના પછી લાસ વેગાસ સ્ટ્રિપ અને ઈન્ટરસ્ટેટના 15થી વધુ હિસ્સા બંધ કરાવી દેવાયા હતા.