અદાણીનું ટેક્સ હેવન દેશો સાથે કનેક્શન ?

0
2791

અમદાવાદ-ઓસ્ટ્રેલિયન સમાચાર સંસ્થા દ્વારા પોતાના એક રીપોર્ટમાં ટેક્સ હેવન દેશો સાથેનો બિઝનેસ ગ્રુપ અદાણીનો સંબંધ પ્રકાશમાં લાવવાનો દાવો કરાયો છે. જેમાં જણાવાયું છે કે અદાણી ગ્રુપની બ્રિટિશ વર્જિન આઈલેન્ડમાં કેટલીક મહત્વની સંપત્તિઓ છે જેની જાણકારી અદાણી સમૂહે ઓસ્ટ્રેલિયાની સરકારને આપી નથી.આ રિપોર્ટમાં અદાણી સમૂહના ચેરમેન ગૌતમ અદાણીના મોટાભાઈ વિનોદ અદાણી વિરૂદ્ધ ભારતમાં ચાલી રહેલી તપાસનો હવાલો પણ આપવામાં આવ્યો છે. અદાણીમાં વિનોદ અદાણીના ઘણા શેર છે. રીપોર્ટ અનુસાર અદાણી સમૂહે ઓસ્ટ્રેલિયાની સરકારને 22 અબજ ડોલર ટેક્સ અને રાજસ્વ તરીકે આપવાનો વાયદો કર્યો હતો.અદાણી સમૂહ સાથે જોડાયેલા ટ્રસ્ટો અને કંપનીઓની ચાલાકીના કારણે સરકારને આપવામાં આવતા ટેક્સમાં ભારે ઘટાડો થઈ શકે છે તેવી રજૂઆત કરાઇ હતી.

રીપોર્ટ અનુસાર અદાણી સમૂહની સંપત્તિઓમાં ક્વીન્સલેન્ડમાં મેકે પાસે આવેલા એહોટ પોઈન્ટ કોલ ટર્મિનલ પણ છે. અદાણી સમૂહ પાસે ટર્મિનલના વિસ્તાર સાથે પોર્ટથી ગૈલીલી બેસિન સ્થિત પ્રસ્તાવિત કોલસાની ખાણ સુધી 400 કિલોમીટર લાંબી એક નિયોજિત રેલવે લાઈન બનાવવાનો પણ કોન્ટ્રાક્ટ છે. આ પરિયોજનાઓ માટે અદાણી સમૂહને નોર્ધન ઓસ્ટ્રેલિયા ઈન્ફ્રાસ્ટ્રક્ચર ફેસેલિટી પાસેથી એક અબજ ડોલર મળેલાં છે.