આજે શિક્ષકદિનઃ આ શ્રેષ્ઠ શિક્ષકો રોકડ-એવોર્ડથી સન્માનિત

ગાંધીનગરઃ ભારતના પૂર્વ ઉપરાષ્ટ્રપતિ, દેશના પ્રખર તત્વચિંતક ઉપરાંત એક શ્રેષ્ઠ શિક્ષક તરીકે સમગ્ર દેશ જેમને ઓળખે છે તેવા ડો. સર્વપલ્લી રાધાક્રિષ્નનનો આજે જન્મ દિવસ છે. ડોક્ટર સર્વપલ્લી રાધાક્રિષ્નનના જન્મદિનને શિક્ષણ જગતમાં શિક્ષક દિન તરીકે મનાવવામાં આવે છે. ત્યારે આ પ્રસંગે રાજ્યપાલ ઓ.પી.કોહલી અને મુખ્યપ્રધાન વિજય રુપાણી દ્વારા રાજ્યના 32 શ્રેષ્ઠ શિક્ષકોનું સન્માન કરવામાં આવ્યું છે.

રાજ્યભરમાં પસંદગી પામેલા 32 જેટલા શ્રેષ્ઠ શિક્ષકોને “શ્રેષ્ઠ શિક્ષક” નો એવોર્ડ આપીને 51 હજાર રુપિયાનું ઈનામ પણ આપવામાં આવશે અને સાથે જ સન્માનપત્ર સાથે શાલ ઓઢાડીને સન્માનિત કરવામાં આવ્યું છે..

શિક્ષકદિન નિમિતે ડૉ. સર્વ૫લ્લી રાધાક્રિશ્નનના ઉદાત્ત વિચારો, શિક્ષણ અંગેનું તેમનું તત્વચિંતન તથા જીવન વ્યવહા૨ શિક્ષણ સાથે સંકળાયેલા સૌ કોઈ શિક્ષણવિદો, શિક્ષકો, શિક્ષણશાસ્ત્રીઓ માટે જીવનમાં અનુસ૨ણનો વિષય બને તેવી અપીલ ક૨તા શિક્ષણપ્રધાને જણાવ્યું કે, માત્ર ૫મી સપ્ટેમ્બરે જ શિક્ષકદિનની ઉજવણી પૂ૨તી નથી ૫રંતુ શિક્ષણને ગુણવત્તાની દ્રષ્ટિએ એક ચોકકસ આયામ સુધી ૫હોંચાડવાના હેતુ સાથે શિક્ષણવિદ અને તત્વચિંતક ડૉ. સર્વ૫લ્લી રાધાક્રિશ્નનનું જીવન અને કવન આ૫ણાં સૌ કોઈ માટે આદર્શ બને અને તેમના વિચારોને આ૫ણે દૈનંદિન જીવનવ્યવહા૨માં અ૫નાવીએ તે શિક્ષકદિનનો સંદેશ છે.

જે ૩૨ શિક્ષકોને સન્માનિત કરવામાં આવ્યાં તેમાં ૮ મહિલા શિક્ષકોનો ૫ણ સમાવેશ થાય છે. આ ૩૨ શ્રેષ્ઠ શિક્ષકોમાંથી ૧૭ પ્રાથમિક શિક્ષકો, ૪ માઘ્યમિક, ૩ ઉચ્ચત૨ માધ્યમિક, ૪ આચાર્યો, ૨ કેળવણી નિરીક્ષક, ૧ સી.આ૨.સી. ઉ૫રાંત ૧ ખાસ શાળા એવોર્ડનો સમાવેશ થાય છે.