ગુજરાતની 110 શિક્ષણસંસ્થામાં નમો વાઇ ફાઇ લોન્ચ

0
20593

અમદાવાદ- મુખ્યપ્રધાન વિજય રુપાણીએ મહાત્મા મંદિરમાં ‘સ્માર્ટ ગુજરાત ફોર ન્યૂ ઇન્ડિયા’ હેકાથોનનું લોન્ચિંગ તેમ જ શિક્ષણ સંસ્થાઓ-યુનિવર્સિટીઓમાં ન્યૂ એવન્યૂઝ ઓફ મોર્ડન એજ્યુકેશન-ન.મો. થ્રુ વાઇ-ફાઇનું પણ ૧૧૦ સંસ્થાઓ-યુનિવર્સિટીઓ પૈકી ર૩માં પ્રતીકરૂપ લોન્ચિંગ કરાવ્યું હતું.

આ કાર્યક્રમમાં સ્ટુડન્ટ સ્ટાર્ટઅપ ઇનોવેશન પોલિસી અન્વયે ૧૧ યુનિવર્સિટીઓ સહિત ર૩ સંસ્થાઓને ૪૪૦ લાખની ગ્રાન્ટ-સહાયના ચેક તેમજ સમર ઇનોવેશન ચેલેન્જના વિજેતા વિદ્યાર્થીઓને પુરસ્કારોથી સન્માનિત કર્યા હતા. ટેકનોલોજીનો ઉપયોગ અને યુવાશક્તિના નવિન વિચારો-નવા ઉમંગોથી તેનું સોલ્યુશન્સ આવી સ્પર્ધાઓથી લાવવાનો આ પ્રયત્ન છે.ગુજરાતમાં આ હેકાથોનમાં ર૦૬ જેટલા પ્રોબ્લેમ્સની યાદી મળી છે તેનું સમાધાન યુવાનો પોતાના આગવા બુદ્ધિ કૌશલ્યથી કરશે.

ઉપસ્થિતોને સંબોધતાં મુખ્યપ્રધાન રુપાણીએ યુવા વિપક્ષી નેતા રાહૂલ ગાંધીને આડે હાથ લેતાં કહ્યું કે, જેમણે ઇટાલિયન ચશ્મા જ પહેર્યા છે તેમને ડિજિટલ ઇન્ડિયાથી ગ્રામીણ-ખેડૂતને શું ફાયદો થયો, કેવો વિકાસ થયો એ નહીં જ દેખાય.

કાર્યક્રમમાં સમર ઇન્નોવેશન ચેલેન્જ-ર૦૧૭ અંતર્ગત સફળ વિદ્યાર્થીઓને પુરસ્કારોનું વિતરણ અને સ્ટુડન્ટ સ્ટાર્ટઅપ એન્ડ ઇન્નોવેશન પોલીસી અંતર્ગત સંસ્થાઓ-યુનિવર્સિટીઓને વિવિધ સહાય-ગ્રાન્ટનું વિતરણ પણ  કરાયુ હતું.