અરબી સમુદ્રમાં લૉપ્રેશર ડિપ્રેશન, ભારે વરસાદની શક્યતા, દરીયો ન ખેડવા સલાહ

0
1473

અમદાવાદઃ રાજ્યમાં છેલ્લાં ઘણાં સમયથી પડી રહેલી ગરમીથી લોકો ત્રાહિમામ પોકારી ઉઠ્યાં છે. ત્યારે ગરમીથી ત્રસ્ત બનેલાં લોકો માટે ટાઢકના સમાચારો સામે આવી રહ્યાં છે. હવામાન ખાતાંના જણાવ્યાં અનુસાર આગામી 12 અને 13 જૂનના રોજ રાજ્યના કેટલાક વિસ્તારોમાં ભારે વરસાદ પડે તેવી શક્યતાઓ વર્તાઈ છે.

દક્ષિણ-પૂર્વ અરબી સમુદ્રમાં લો પ્રેશર સિસ્ટમ ડિપ્રેશનમાં પરિવર્તિત થતા ગુજરાતમાં ભારે વરસાદની આગાહી કરવામાં આવી છે. અત્યારે પ્રેશર સિસ્ટમ ડિપ્રેશન ધીમે ધીમે ઉત્તર-પશ્ચિમ તરફ આગળ વધી રહી છે.

હાલ હવામાન વિભાગે માછીમારોને દરિયો ન ખેડવા સૂચના આપી દીધી છે. અરબી સમુદ્રમાં લો પ્રેશર સિસ્ટમ ડિપ્રેશન સિસ્ટમ વેરાવળથી દક્ષિણ પૂર્વથી 1020 કિ.મી. દૂર છે. જેથી અગામી 12 કલાકમાં ડિપ ડિપ્રેશનમાં પરિવર્તિત થશે અને 24 કલાકમાં ડિપ્રેશનમાંથી વાવાઝોડામાં પરિવર્તિત થશે.

હવામાન વિભાગ દ્વારા ગુજરાત સહિત કેરળ અને કર્ણાટકમાં પણ વરસાદની આગાહી કરી છે. વેરાવળ અને પોરબંદરના દરિયામાં એક નંબરનું સિગ્નલ લગાવી દેવામાં આવ્યું છે. ગુજરાત, મહારાષ્ટ્રમાં 75 કિ.મી.ની ઝડપે પવન ફૂંકાવવાની પણ હવામાન વિભાગે આગાહી કરી છે. જેથી 12 અને 13 જૂનના ભારે વરસાદની આગાહી છે.

ગુજરાતના સૌરાષ્ટ્ર અને કચ્છમાં ભારેથી અતિભારે વરસાદની આગાહી કરવામાં આવી છે. કચ્છ, અમરેલી, ભાવનગર, સોમનાથમાં વરસાદની આગાહી કરવામાં આવી છે. જામનગર, પોરબંદર, દ્વારકામાં પણ ભારે વરસાદ પડવાની આશંકા સેવી છે.

12 જૂનથી રાજ્યમાં વરસાદની અસર શરૂ થશે. 13 જૂનના રોજ સૌરાષ્ટ્રના અમરેલી, ભાવનગર, ગીરસોમનાથ, જૂનાગઢ અને કચ્છ સહિતના વિસ્તારોમાં ભારેથી અતિભારે વરસાદ પડશે. હવામાન વિભાગના અધિકારી જયંત સરકારે જણાવ્યું હતું કે અમે સતત રાજ્ય સરકાર સાથે સંપર્કમાં છીએ.