‘ટોટલ ધમાલ’નું ‘સ્પીકર ફટ જાયે’ ગીતઃ અનિલ-માધુરીની જોડી હજી પણ એટલી જ તાજી લાગે છે

0
2054

મુંબઈ – આગામી હિન્દી ફિલ્મ ‘ટોટલ ધમાલ’નું બીજું ગીત આજે રિલીઝ કરવામાં આવ્યું છે. આ ગીતની કડી છે ‘સ્પીકર ફટ જાયે’.

ગીતની વિશેષતા એ છે કે એમાં અનિલ કપૂર અને માધુરી દીક્ષિતને ઘણા વર્ષો બાદ ફરી, એમની જૂની સ્ટાઈલમાં નાચતાં શકાય છે. ગીતનો આરંભ અજય દેવગનથી કરાયો છે, પણ ગીતનું ફોકસ અનિલ અને માધુરી પર જ રાખવામાં આવ્યું છે.

‘ટોટલ ધમાલ’ આવતી 22 ફેબ્રુઆરીએ રિલીઝ થવાની છે.

નવા ગીતમાં ફિલ્મના તમામ મુખ્ય કલાકારોને ડાન્સ કરતાં જોઈ શકાય છે.

ગીતની સાથે ફિલ્મનાં લીડ એક્ટર્સ – અનિલ અને માધુરી તથા અજય દેવગન અને ઈશા ગુપ્તાની કેમિસ્ટ્રી પણ સરસ લાગે છે.

મ્યુઝિક પરથી જ કહી શકાય કે આ ડાન્સિંગ સોન્ગ છે.

ગીતમાં ફિલ્મના અન્ય કલાકારો પણ નાચતા દેખાય છે, જેમ કે અર્શદ વારસી, રીતેષ દેશમુખ, જાવેદ જાફરી અને સંજય મિશ્રા.

નિર્માતાઓ આ પહેલાં આ જ ફિલ્મનાં અન્ય બે ગીત ‘પૈસા યે પૈસા’ અને ‘મુંગડા’ રિલીઝ કરી ચૂક્યા છે. આ બંને ગીત પણ જૂની હિન્દી ફિલ્મોનાં સુપરહિટ ગીતોનાં રીમેક છે. ‘મુંગડા’ ગીત આઈટમ સોન્ગ છે અને એમાં સોનાક્ષી સિન્હાએ ડાન્સ કર્યો છે.

(જુઓ ‘સ્પીકર ફટ જાયે’ ગીતની વિડિયો ઝલક)

(જુઓ સોનાક્ષી સિન્હા અભિનીત ‘મુંગડા’ ગીતની વિડિયો ઝલક)