આલિયાએ ગૌરી ખાનનાં સ્ટોરની મુલાકાત લીધી; ત્વરિત એની ગ્રાહક બની ગઈ

મુંબઈ – બોલીવૂડ અભિનેત્રી આલિયા ભટ્ટે સુપરસ્ટાર શાહરૂખ ખાનની પત્ની ગૌરી ખાનનાં ઈન્ટિરીયર ડિઝાઈનને લગતા નવા સ્ટોર GKD (ગૌરી ખાન ડિઝાઈન્સ)ની આજે અહીં મુલાકાત લીધી હતી અને એને ગૌરીએ ડિઝાઈન કરેલી ચીજવસ્તુઓ એટલી બધી ગઈ કે તે આજે જ એમની ગ્રાહક બની ગઈ છે.

આલિયા આજે ડિઝાઈનર સ્ટોરની મુલાકાતે ગઈ હતી અને પોતાનાં નવા ઘર માટે જરૂરી સજાવટી ચીજવસ્તુઓ એણે ખરીદી હતું.

આલિયાએ મુંબઈમાં પોતાનું નવું ઘર ખરીદ્યું છે અને એ નિવાસસ્થાનને સજાવવા માટે ઈન્ટિરીયર તૈયાર કરવાનું કામ પણ એણે ગૌરી ખાનને સોંપ્યું છે.

આલિયાએ પોતાનાં ઈન્સ્ટાગ્રામ એકાઉન્ટ ઉપર પણ ગૌરી ખાનની ઈન્ટિરીયર ડિઝાઈન ટેલેન્ટનાં વખાણ કર્યાં છે અને લેટેસ્ટ ડિઝાઈન જોવા માટે ગૌરીનાં સ્ટોરની મુલાકાત લેવાની લોકોને ભલામણ કરી છે.

આલિયાએ ગૌરી ખાનની ડિઝાઈનિંગ ટેલેન્ટની સરાહના કરતી એક વિડિયો ક્લિપ પણ બનાવી છે.