ભારતના વખાણથી ચીન ચિઢાયું, કહ્યું અમેરિકા ખતમ કરે પક્ષપાત

0
1093

ચીન– ચીને કહ્યું છે અમેરિકી વિદેશપ્રધાન રેક્સ ટિલરસન તરફથી ભારતની સાથે સંબધોને વધુ મજબૂત બનાવવા પર ભાર આપતું નિવેદન કર્યું છે, અને બીજિંગની ટીકા કરવાના મુદ્દે પક્ષપાત કરવાની ગંધ આવે છે.

ભારતની મુલાકાત પહેલા ટિલરસને કહ્યું હતું કે અનિશ્રિતતા અને ચિંતાના આ દોરમાં ભારતને વિશ્વ સ્તર પર એક વિશ્વાસુ મિત્રની જરૂરિયાત છે. હું સ્પષ્ટ કરવા માંગુ છું કે વૈશ્વિક સ્થિરતા, શાંતિ અને સમૃદ્ધિને લઈને અમારા મુલ્યને જોતા અમેરિકા જ એક મિત્ર છે.

તેના પર પ્રતિક્રિયા આપતાં ચીનના વિદેશ મંત્રાલયના પ્રવકતા લૂ કાંગે સંવાદદાતાઓને કહ્યું હતું કે ઘણા બધા મિડિયાને ભારત અને અમેરિકા વચ્ચેના સંબધોના વિકાસમાં ખુબ જ દિલચસ્પી છે. તેમણે કહ્યું કે અમે બદન્ને દેશોના સંબધોના વિકાસને જોતા ત્યાં સુધી ખુશ છીએ કે જ્યાં સુધી આ ક્ષેત્રમાં શાંતિપૂર્ણ વિકાસ અને ક્ષેત્રમાં બન્ને દેશો વચ્ચેના સંબધો વધવાના પક્ષમાં છે.

લૂએ કહ્યું કે ચીન આશા કરે છે કે વોશિગ્ટન ચીનના વિકાસ અને આંતરરાષ્ટ્રીય સમુદાયમાં ચીનની ભૂમિકાને નિષ્પક્ષ તરીકે જોશે. અમેરિકાના આરોપો પર લૂએ જણાવ્યું હતું કે ચીને હમેશાં સંયુક્ત રાષ્ટ્રના મુલ્યોનું સમ્માન કર્યું છે. સંયુક્ત રાષ્ટ્ર ચાર્ટરના સિદ્ધાંતોના આધાર પર બહુપક્ષીય વર્લ્ડ ઓર્ડરનું પાલન કરે છે. તેની સાથે તેમણે એ વાત પર ભાર મુક્યો હતો કે ચીન પોતાના હિતો અને અધિકારોની રક્ષા કરતો રહેશે.