નવી દિલ્હીઃ ઈનકમ ટેક્સ વિભાગે પોતાના કરદાતાઓ માટે ઓનલાઈન ચેટની સુવિધા શરૂ કરી છે જેથી કરીને તેઓ પ્રત્યક્ષ કરથી જોડાયેલા મુદ્દાઓને લઈને શંકાઓ દૂર કરી શકે અને અન્ય પ્રકારની પૂછપરછ કરી શકે. આયકર વિભાગની વેબસાઈટ www.incomtaxindia.gov.in ના મુખ્ય પેજ પર આ માટે લાઈવ ચેટ ઓનલાઈન આસ્ક યોર ક્વેરી નામનું ઓપ્શન મૂકવામાં આવ્યું છે. પ્રાપ્ત માહિતી અનુસાર વિભાગના વિશેષજ્ઞો તેમ જ સ્વતંત્ર કરદાતાઓની એક ટીમ લોકોને પોતાના પ્રશ્નોના જવાબ આપશે. પ્રથમવાર શરૂ કરવામાં આવેલી આ પહેલનું લક્ષ્ય દેશમાં કરદાતાઓને મળનારી સુવિધા વિસ્તૃત કરવાનું છે.
આ વિભાગને મળેલી પ્રતિક્રિયાના હિસાબથી ઓનલાઈન ચેટ પ્રણાલીમાં અન્ય પણ કેટલાક ફીચરને જોડવામાં આવશે. કોઈપણ વ્યક્તિ ઈ-મેલ આઈડી લઈ લખીને એક મહેમાનની જેમ ચેટરૂમમાં પ્રવેશ કરી શકે છે. કરદાતાઓને તેમની ID પરના સંપૂર્ણ ચેટને ઇમેઇલ કરવાનો વિકલ્પ આપવામાં આવ્યો છે. જો કે, ચેટની શરૂઆતમાં સાવચેતીભર્યું જાહેરનામું આપવામાં આવ્યું છે, “આપેલા જવાબો નિષ્ણાતના મંતવ્યો પર આધારિત છે અને કોઈપણ પરિસ્થિતિમાં કોઈપણ મુદ્દા પર આવકવેરા વિભાગની સફાઈ તરીકે ગણી શકાય નહીં.”
