વલસાડના ભિલાડ ચેકપોસ્ટની ગાડીમાંથી 1.14 કરોડ રોકડની લૂંટ

વલસાડ– વલસાડના ભિલાડ ચેક પોસ્ટની રોકડ ભરેલી ગાડી લુંટાઈ છે. અજાણ્યા લૂંટારુંઓએ બંદૂકની અણીએ લૂંટ ચલાવીને રૂપિયા એક કરોડ 14 લાખ લૂંટીને ફરાર થઈ ગયા છે. લૂંટારુઓને શોધવા માટે જિલ્લાની પોલીસ દોડતી થઈ ગઈ છે. ભિલાડના સહારા હોટેલ નજીક બેન્કમાં રૂપિયા ભરવા જઈ રહેલ આર.ટી.ઓ.ની ગાડીમાં રૂપિયા 1 કરોડ 14 લાખ હતા. ત્યાં અચાનક લૂંટારાઓએ બંદૂક બતાવીને ગાડી રોકી હતી, અને લૂંટ ચલાવીને ફરાર થઈ ગયા હતા. ઘટના સ્થળે પોલીસ તુરંત આવી પહોંચી હતી, અને લૂંટ કરીને ભાગેલા વધુ દુર સુધી ન જઈ શકે તે માટે નાકાબંધી કરી હતી, અને સમગ્ર જિલ્લા અને રાજ્યના પોલીસ તંત્રને સંદેશ આપ્યો હતો.