એશિયા કપઃ ભારતે ટીમવર્ક વડે જીત મેળવી…

દુબઈ ઈન્ટરનેશનલ સ્ટેડિયમ ખાતે એશિયા કપ-2018માં 21 સપ્ટેંબર, શુક્રવારે સુપર-4 મેચમાં ભારતે બાંગ્લાદેશને 7-વિકેટથી પરાજય આપ્યો હતો. ભારતના કેપ્ટન રોહિત શર્માએ ટોસ જીત્યો હતો અને બાંગ્લાદેશને પહેલા બેટિંગ કરવાનું આમંત્રણ આપ્યું હતું. બાંગ્લાદેશે 49.1 ઓવરમાં 173 રન કર્યા હતા. તેના જવાબમાં ભારતે 36.2 ઓવરમાં 3 વિકેટના ભોગે 174 રન કરીને મેચ જીતી લીધી હતી. રોહિત શર્મા 83 રન કરીને નોટઆઉટ રહ્યો હતો. ડાબોડી સ્પિનર રવિન્દ્ર જાડેજાએ બાંગ્લાદેશના દાવમાં 29 રનમાં 4 વિકેટ લીધી હતી. ભારતની હવે પછીની મેચ પાકિસ્તાન સામે, 23 સપ્ટેંબરે દુબઈમાં રમાશે.