હાર્દિક પંડ્યાએ બેટિંગ અને બોલિંગ, બંનેમાં જોરદાર દેખાવ કરતાં મુંબઈ ઈન્ડિયન્સે 3 એપ્રિલ, બુધવારે મુંબઈના વાનખેડે સ્ટેડિયમ ખાતે આઈપીએલ-2019 સ્પર્ધાની મેચમાં ચેન્નાઈ સુપર કિંગ્સને 37-રનથી પરાજય આપ્યો હતો. ચેન્નાઈના કેપ્ટન ધોનીએ ટોસ જીતીને પહેલા ફિલ્ડિંગ પસંદ કરી હતી. મુંબઈ ઈન્ડિયન્સે તેના હિસ્સાની 20 ઓવરમાં પાંચ વિકેટના ભોગે 170 રન કર્યા હતા. તેના જવાબમાંચેન્નાઈ સુપર કિંગ્સ 20 ઓવરમાં 8 વિકેટે 133 રન જ બનાવી શકી હતી. હાર્દિકે બેટિંગમાં અણનમ 25 રન કર્યા હતા અને ત્યારબાદ બોલિંગમાં 4 ઓવરમાં 20 રન આપીને 3 વિકેટ ખેરવી હતી. (તસવીરોઃ iplt20.com)
હાર્દિકને મેન ઓફ ધ મેચ એવોર્ડ. સાથે છે આકાશ અંબાણી
