ગાંધીનગર– ગુજરાત વિધાનસભા પક્ષના વિપક્ષ નેતા તરીકે પરેશ ધાનાણીએ વિધિવત સ્થાન સંભાળી લીધું છે. પરેશ ધાનાણી ગુજરાત વિધાનસભામાં પાંચ વર્ષ માટે કોંગ્રેસનું પ્રતિનિધિત્વ કરનાર વડા બન્યાં છે. આ પહેલાં કોંગ્રેસના ચૂંટાયેલાં ધારાસભ્યોની ગાંધીનગરમાં બેઠક મળી હતી જેમાં તેઓને અભિનંદન આપવામાં આવ્યાં હતાં. પરેશ ધાનાણીએ હોદ્દો સંભાળતાં કોંગ્રેસ પક્ષ વિધાનસભામાં તેમ જ ગુજરાતની શેરીઓમાં પોતાનો અવાજ લોકપ્રતિનિધિ તરીકે ઉઠાવતાં રહેવાની ખાતરી આપી હતી.
