નવી દિલ્હી- ભારત સરકાર દ્વારા દર વર્ષે પ્રવાસનને લગતા વિવિધ ઉદ્યોગો માટે નેશનલ ટુરિઝમ એવોર્ડ રજૂ કરે છે. આ એવાર્ડ 1990થી આપવામાં આવે છે. આ વર્ષે ગુજરાત ટુરિઝમ હોલ ઓફ ફેમ એવોર્ડ ગુજરાતને ફાળે ગયો છે. નવી દિલ્હીમાં આજે બુધવારે યોજાયેલ કાર્યક્રમમાં ભારતના રાષ્ટ્રપતિ રામનાથ કોવિંદના હસ્તે ગુજરાત ટુરીઝમ હોલ ઓફ ફેમ એવોર્ડ ગુજરાત રાજ્યના પ્રવાસનપ્રધાન ગણપતસિંહ વસાવાએ સ્વીકાર્યો હતો. અને પ્રિન્સિપાલ સેક્રેટરી એસ જે હૈદર અને ટીસીજીએલના એમડી અને કમિશ્નર જેનુ દેવન તેમની સાથે ઉપસ્થિત રહ્યા હતા. 
