આગામી નવી હિન્દી ફિલ્મ 'બ્લેન્ક'નું ટ્રેલર 4 એપ્રિલ, ગુરુવારે મુંબઈમાં મિડિયાકર્મીઓ સમક્ષ રિલીઝ કરવામાં આવ્યું હતું. એ પ્રસંગે ફિલ્મના તમામ મુખ્ય કલાકારો હાજર હતા જેમ કે, સની દેઓલ, કરણ કાપડિયા, ઈશિતા દત્તા. આ ફિલ્મ સાથે કરણ બોલીવૂડમાં એન્ટ્રી કરી રહ્યો છે. આ ફિલ્મ એક્શન થ્રિલર ફિલ્મ છે. જેની પૃષ્ઠભૂમિ આતંકવાદ પર આધારિત છે. કરણ એક આતંકવાદી - આત્મઘાતી બોમ્બ એટેકરની ભૂમિકા કરી રહ્યો છે. કરણ જાણીતાં અભિનેત્રી ડિમ્પલ કાપડિયાનો ભાણેજ છે. એ ડિમ્પલનાં બહેન સ્વ. સિમ્પલ કાપડિયાનો પુત્ર છે. કરણની હિરોઈન બની છે ઈશિતા દત્તા, જે તનુશ્રી દત્તાની બહેન છે. ઈશિતા અગાઉ દ્રશ્યમ અને ફિરંગી ફિલ્મોમાં ચમકી હતી. ફિલ્મ 3 મેએ રિલીઝ કરવામાં આવશે. સની દેઓલે કહ્યું કે ફિલ્મની વાર્તાને કારણે એને આ ફિલ્મમાં કામ કરવાની ઈચ્છા થઈ હતી.
(તસવીરોઃ દીપક ધુરી)
