પ્રકાશના પર્વ દિવાળી-૨૦૧૭નું આગમન થઈ ગયું છે. આ વર્ષના દીપોત્સવી પર્વની ઉજવણીમાં ઝગમગાટ માટે ચાઈનીઝ ડિઝાઇનર લાઈટ્સ ભલે આવી ગઈ છે, પરંતુ પ્રજાપતિ-કુંભાર લોકોનાં હાથની કારીગરીવાળા પરંપરાગત કોડિયાએ પણ એનું સ્થાન જાળવી રાખ્યું છે. અમદાવાદના શાસ્ત્રીનગર સહિત અનેક વિસ્તારોની ફૂટપાથો પર વેચાઈ રહેલા દીવડા-કોડિયાં રસ્તે આવતા-જતાં લોકોનું ધ્યાન આકર્ષિત કરી રહ્યાં છે. લોકો આ ખરીદે છે પણ એટલા માટે કે એની કિંમત પોષાય એવી છે. (તસવીરોઃ પ્રજ્ઞેશ વ્યાસ)
૧૦ રૂપિયાના ચાર – સામાન્ય માણસને પોસાય એવા ભાવના દીવડાઓ પણ ઉપલબ્ધ છે…
…તો અમીરોનાં ઓટલે-ઉંબરે-ઝરુખે પણ મૂકાય એવા રંગબેરંગી, હસ્તકળાથી સજાવેલા હજાર રૂપિયાની કિંમતના દીવડા પણ આ બજારમાં ઉપલબ્ધ છે.
અમદાવાદ શહેરના દરેક વિસ્તારની ફૂટપાથ માટીના બનાવેલા કળાત્મક દીવડાઓથી દીપી ઊઠી છે.
કાચબા, માછલી જેવા અનેક આકારમાં દીવા તેમજ વિવિધ આકારમાં મીણબત્તીનાં સ્ટેન્ડ પણ ઉપલબ્ધ છે.
