કાર્ડ વગર ATMમાંથી રૂપિયા ઉપાડી શકાશે…

રરોજ બદલાતી ટેકનોલોજીના જમાનામાં સ્માર્ટફોનમાં નીતનવા ફીચર ઉમેરાય અને નવા મોડલ. નવી ડિઝાઈન સાથે માર્કેટમાં આવે. એપલે આઠમી સીરીઝનો ફોન બહાર પાડ્યો, તે અગાઉ અનેક કંપનીઓએ નવા મોબાઈલ વધુ ફીચર્સ સાથે અને સસ્તાં સ્માર્ટફોન બજારમાં મૂક્યાં છે. સ્માર્ટફોન હવે આપણાં ખિસ્સાં જેવું કામ પણ કરવાનું છે. ખિસ્સામાં સ્માર્ટફોન રાખીને સરળતાથી એટીએમમાં જઈને પૈસા ઉપાડી શકશે.એપલ પેના યુઝર કોઈપણ ડેબિટ કે ક્રેડિટ કાર્ડની મદદ વગર એટીએમમાંથી રૂપિયા ઉપાડી શકે છે. અમેરિકામાં અંદાજે 5000 વેલ્સ ફાર્ગો એટીએમમાં ગ્રાહકોને આ સુવિધા આપવામાં આવી છે. જો પોતાનું ખિસ્સાપાકીટ ઘેર ભૂલી ગયાં તો આ નવા ફીચરની મદદથી કોઈપણ સમસ્યા વગર સરળતાથી એટીએમમાંથી રૂપિયા ઉપાડી શકશો. તેના માટે જોકે તમારા પાસે સ્માર્ટફોન હોવો જરૂરી છે.ક્રેડિટ કાર્ડ કે ડેબિટ કાર્ડ વગર રૂપિયા ઉપાડવા માટે યુઝરે સૌથી પહેલા એપલ પે એપનો ઉપયોગ કરતા હોય તેવા ફોનમાં વૉલેટ ફીચર એક્ટિવેટ કરવું પડે છે. જે પછી નિયર-ફીલ્ડ કમ્યુનિકેશન(એનએફસી) ટેકનોલોજીની મદદથી ટ્રાન્ઝેક્શન કરી શકાય છે. એનએફસી ટ્રાન્ઝક્શન માટે એટીએમમાં પહેલેથી એક ચિપ ઈન્સ્ટોલ કરેલી હશે, જેના દ્વારા ટ્રાન્ઝેક્શન કરી શકાશે.મોબાઈલ પેમેન્ટના આ યુગમાં કાર્ડલેસ એટીએમની શરૂઆત હાલ તો અમેરિકામાં થઈ છે. આશા રાખીએ કે ભારત સહિત અન્ય દેશોમાં પણ આ સુવિધા ઉપલબ્ધ થશે. આજે વધારે લોકો પેમેન્ટ એપ દ્વારા જ મોટાભાગે પોતાના બિલના પેમેન્ટ કરે છે.