તહેવારની મોસમ ચાલી રહી છે. ત્યારે હર કોઈ ઈચ્છે કે પોતે બધાથી અલગ અને હટકે દેખાય. અને તેના માટે તૈયારીઓ પણ શરૂ થઇ ગઈ હશે. જોકે આ દિવાળીમાં તમે શું પહેરશો, હજી એની મૂંઝવણ હોય તો કોઈ ચિંતા નહીં… આ દિવાળીમાં કઈ સ્ટાઈલના ડ્રેસ તમને ખાસ લૂક આપશે તે જોઈશું આ આર્ટિકલમાં.
આજકાલ હવે સંપૂર્ણ ઇન્ડિયન લૂકની જગ્યાએ, ઇન્ડો-વેસ્ટર્ન અને કન્ટેમ્પરરી લૂકની વધુ બોલબાલા છે. કોઈ પણ ઉંમરની મહિલા કે યુવતી હોય પણ ઇન્ડિયન સ્ટાઈલ કપડાંમાં વેસ્ટર્ન ટચ આજે સૌ કોઈને પસંદ છે. ત્યારે અહીં દિવાળી’17માં કયા લૂક હોટ ફેવરિટ રહેશે તેના પર કરીએ નજર…
સિગરેટ પેન્ટ-કૂર્તા
ફેશનની દુનિયામાં ખૂબ ઝડપથી બદલાવ આવતો રહે છે. દર 5-6 મહીને તમારા વોર્ડરોબને અપડેટ કરવાની ઈચ્છા થાય. તમને એવું લાગે કે એમાંની ઘણી સ્ટાઈલ જાણે કે જૂની થઇ ગઈ છે. માત્ર ટોપ કે કૂર્તામાં જ નહીં, પરંતુ બોટમવેરમાં પણ હવે ઘણી વિવિધતા જોવા મળે છે. સલવાર, ચૂડીદાર, પલાઝો, સ્કર્ટ સિવાય સિગરેટ પેન્ટ આજકાલ ‘ઇન’ ગણાય છે.
આ દિવાળીમાં સિગરેટ પેન્ટ ‘હોટ’ ફેવરિટ રહેશે. સિગરેટ પેન્ટની સાથે કૂર્તીબેસ્ટ લૂક આપે છે. તેકૂર્તી અને પેન્ટની સાથે તમે દુપટ્ટો પણ રાખી શકો છો.
સિગરેટ પેન્ટની ખાસિયત એ છે કે તે તમને મોડર્ન અને સ્ટાઈલિશ લૂક આપે છે તો સાથે જ કૂર્તી હોવાથી ટ્રેડીશનલ ટચ પણ મળશે.
જોકે સિગરેટ પેન્ટની સાથે શોર્ટ કૂર્તા પહેરવામાં આવે છે અથવા તો વધુમાં વધુ ઢીંચણ સુધીની લંબાઈના. કૂર્તા સાથે કોન્ટ્રાસ્ટ પેન્ટ, કોઈ પણ ડીનર કે આઉટીંગ માટે ચાલી શકે. જ્યારે કે કોઈ પ્રસંગમાં સિગરેટ પેન્ટ પહેરવું હોય તો તેના પરનો કૂર્તો હેવી લૂકનોરાખવોઅને સાથે દુપટ્ટો. પણ જો લૂક સાદો અને સરળ જોઈતો હોય તો કૂર્તાના કલરનું જ સિગરેટ પેન્ટ રાખવું.
જો કોઈ લગ્ન પ્રસંગે સિગરેટ પેન્ટ પહેરવું હોય તો તેની સાથે લોંગ જેકેટ બેસ્ટ લૂક આપે છે.
જો તમારી હાઈટ વધારે છે તો લોંગ જેકેટ અને સિગરેટ પેન્ટ તમારા માટે છે શ્રેષ્ઠ વિકલ્પ.
ધોતી સ્ટાઈલ કૂર્તી
ધોતી એટલે પુરુષોનું પરિધાન જ મનાય એ સમય તો ક્યારનો જતો રહ્યો. ધોતી હવે ફીમેલ વોર્ડરોબનો પણ ભાગ બની ગયો છે. ઇન્ડો-વેસ્ટર્ન લૂક માટે ધોતી સ્ટાઈલ કૂર્તી સારો વિકલ્પ છે.
ધોતી પેન્ટની સાથે ક્રોપ ટોપકે વેસ્ટર્ન ટોપ્સ તો પહેરાય જ છે. પણ હવે કંઇક અલગ લૂક માટે ધોતી સ્ટાઈલ કૂર્તા પર પસંદગી ઉતારી શકો છો. આ કૂર્તી સાથે લેગીંગ, જેગીંગ પહેરી શકાય છે 
તો એક ડ્રેસ તરીકે પણ તેને પહેરી શકો છો.
સામાન્ય રીતે ધોતી સ્ટાઈલ કૂર્તી હેવી લૂકની હોય છે અને એટલે જ તેની સાથે કોઈ નેકપીસ પહેરવા કરતાઝૂમકાતમારા લૂકને પરફેક્ટ બનાવશે.
તો ઘણી ધોતી સ્ટાઈલ કૂર્તા સાથે તમે દુપટ્ટો પણ રાખી શકો છો અથવા તો હવે દુપટ્ટા સ્ટાઈલના શ્રગ ધરાવતી કૂર્તી જ પહેરી શકો છો.
જોકે આ સ્ટાઈલની કૂર્તી પહેરતી વખતે એક વાતનું ખાસ ધ્યાન રાખો અને એ છે તમારું ફૂટવેર. ધોતીકુર્તીની સાથે ઉંચી હિલ્સ પસંદ કરવી.
ક્રોપ ટોપ અને સ્કર્ટ
ઘણાં સમયથી ક્રોપ ટોપ અને સ્કર્ટ ખાસ્સા ટ્રેન્ડમાં છે.
ત્યારે આ દિવાળીમાં ક્રોપ ટોપ અને હેવી વર્કવાળા સ્કર્ટ પણ હટકે અને ફેશનેબલ લૂક આપશે. આ ફેશન ટ્રેન્ડ ખૂબ આરામદાયક છે.
