‘ચિત્રલેખા’ યોજિત ‘ઈન્વેસ્ટર્સ અવેરનેસ સેમિનાર’: પોરબંદર, જૂનાગઢમાં પણ ઈન્વેસ્ટરોએ મેળવ્યું માર્ગદર્શન

આદિત્ય બિરલા કેપિટલ અને ‘ચિત્રલેખા’ યોજિત ‘ઈન્વેસ્ટર એજ્યૂકેશન એન્ડ અવેરનેસ’ કાર્યક્રમ અંતર્ગત ‘મ્યુચ્યુઅલ ફંડ્સ એન્ડ ફાઈનાન્સિયલ પ્લાનિંગ કોન્કલેવ-2017’ પરિસંવાદનું આયોજન ૧૧ નવેમ્બર, શનિવારે પોરબંદરમાં લોર્ડ્સ ઈકો ઈન તથા ૧૨ નવેમ્બર, રવિવારે જૂનાગઢમાં કિંગ્સ ક્રાફ્ટ હોટેલ ખાતે કરવામાં આવ્યું હતું. આ બંને સ્થળના પરિસંવાદમાં શ્રોતા-ઈન્વેસ્ટરો મોટી સંખ્યામાં હાજર રહ્યા હતા. આર્થિક જગતમાં અંધાધૂંધીના અણસાર છે. નોટબંધી-જીએસટીના અમલ પછી વિકાસદર ઘટી રહ્યો છે. ફૂગાવો-મોંઘવારી-બેકારી પણ વધ્યાં છે. આવા અનિશ્ચિત માહોલ વચ્ચે નાણાંનું મૂડીરોકાણ તથા બચત માટે શું શું કરવું એનું સચોટ માર્ગદર્શન પોરબંદર, જૂનાગઢના ઈન્વેસ્ટરોએ આર્થિક નિષ્ણાતો પાસેથી આ પરિસંવાદમાં મેળવ્યું હતું. પરિસંવાદને અંતે ઈન્વેસ્ટરો સાથે પ્રશ્નોત્તરી સત્રનું પણ આયોજન કરવામાં આવ્યું હતું જેમાં શ્રેષ્ઠ પાંચ સવાલ પૂછનારને ઈનામ આપવામાં આવ્યા હતા.