Travel Tips

ફરી મળશે ગંગોત્રી, યમુનોત્રીમાં પવિત્ર સ્નાનનો લ્હાવો…

0

એવું કહેવાય છે કે ચાર-ધામ યાત્રાના બે ધામ – ગંગોત્રી અને યમુનોત્રીની નદીઓમાં સ્નાન કરવાથી વ્યક્તિ પાપમુક્ત થઈ જાય છે. આ બંને યાત્રાધામના પ્રવાસે જવાનો મોકો એપ્રિલથી મળશે. આ બંને યાત્રાધામ મંદિરના દ્વાર શ્રદ્ધાળુઓ માટે 18 એપ્રિલથી ખુલ્લા મૂકવામાં આવશે. એ દિવસે અખા ત્રીજ અથવા અક્ષય તૃતીયા તિથિ છે જે હિન્દુ શાસ્ત્રાનુસાર પવિત્ર તિથિ ગણાય. ઉત્તરાખંડ રાજ્યમાં ગઢવાલ હિમાલયમાં સ્થિત આ યાત્રાધામોનાં દ્વાર તે પહાડી વિસ્તારમાં પડતી કાતિલ ઠંડી અને બરફ પડવાને કારણે દર વર્ષે દિવાળીના દિવસથી છ મહિના માટે બંધ કરી દેવામાં આવે છે અને એપ્રિલ-મેથી નવેમ્બર સુધી ખુલ્લા રાખવામાં આવે છે.

યમુનોત્રી ધામ

ચાર-ધામ (ગંગોત્રી, યમુનોત્રી, કેદારનાથ અને બદ્રીનાથ)માં પહેલું ધામ યમુનોત્રીનું છે. પવિત્ર યમુના નદીનું ઉદગમ સ્થાન યમુનામાતાનાં મંદિરથી માત્ર એક જ કિલોમીટર દૂર આવેલું છે. બંદરપૂંછ શિખરના પશ્ચિમી ભાગમાં ફેલાયેલા યમુનોત્રી ગ્લેશિયરને નિહાળવું એક રોમાંચક અનુભવ હોય છે. યમુના નદીનું સ્રોત કાલિંદી પર્વત છે. દરિયાઈ સપાટીથી આ સ્થળ આશરે 4421 મીટર ઊંચાઈ પર છે. કઠિન ચઢાણ હોવાને કારણે ઘણાં શ્રદ્ધાળુઓ આ ઉદગમ સ્થળને જોવાથી વંચિત રહી જાય છે. યમુનોત્રીમાં પાણીના ઘણા સ્રોત છે, એમાંનો એક છે, સૂર્યકુંડ. 19મી સદીમાં જયપુરના મહારાણી ગુલરિયાએ આ મંદિર બંધાવ્યું હતું પણ એ જ સદીમાં મંદિર બે વાર નાશ પામ્યું હતું અને ફરી એનું બાંધકામ કરવામાં આવ્યું.

ગંગોત્રી ધામ

ગંગોત્રી એ અન્ય પવિત્ર નદી ગંગાનું ઉદગમ સ્થાન છે. આ સ્થળ સમુદ્રતટથી આશરે 3,042 મીટરની ઊંચાઈ પર આવેલું છે. ગંગામૈયાનાં મંદિરનું નિર્માણ 18મી સદીમાં ગુરખા કમાન્ડર અમરસિંહ થાપાએ કરાવ્યું હતું, પરંતુ ખરાબ હવામાનને કારણે એ નાશ પામ્યા બાદ જયપુરના મહારાણીએ એનું પુનઃનિર્માણ કરાવ્યું હતું. દર વર્ષે એપ્રિલ-મેથી ઓક્ટોબર વચ્ચેના સમયગાળામાં ગંગોત્રી મંદિર અને ગંગામૈયાનાં દર્શન કરવા લાખો શ્રદ્ધાળુઓ-તીર્થયાત્રીઓ-પર્યટકો આવે છે. ગંગોત્રી મંદિરથી 19 કિ.મી. દૂર, 3,892 મીટરની ઊંચાઈ પર ગૌમુખ ગંગોત્રી ગ્લેશિયરનું મુખ છે, એ જ ભાગીરથી નદીનું ઉદગમ સ્થાન છે. ગંગા એટલે જ ભાગીરથી નદી. અહીંના બર્ફિલા પાણીમાં સ્નાન કરવાથી શાંતિનો અનુભવ થાય છે અને એવી માન્યતા છે કે અહીં સ્નાન કરવાથી પાપ ધોવાઈ જાય છે. ગંગોત્રીથી ગૌમુખ સુધી પગપાળા અથવા ટટ્ટુ પર બેસીને જવાય છે. અહીંના પહાડો પરનું ચઢાણ યમુનોત્રી જેટલું કઠિન નથી. આ સ્થળે શિળાળો કાતિલ ઠંડીવાળો હોય છે, પણ ઉનાળાની ઋતુમાં મોસમ સરસ રહે છે. વરસાદ પણ અવારનવાર પડતો હોય છે.

વજનમાં હલકાં વસ્ત્રો પહેરવા…

0

પ્રવાસ શરૂ કરતાં પહેલાં લોકો અનેક પ્રકારની તકેદારીઓ લેતાં હોય છે, પણ અવારનવાર પ્રવાસ કરતી કંગના રણૌત, સોનમ કપૂર, કરીના કપૂર-ખાન, અનુષ્કા શર્મા, મીરા રાજપૂત-કપૂર, જેક્લીન ફર્નાન્ડિસ, વિદ્યા બાલન જેવી બોલીવૂડની અભિનેત્રીઓએ એવી ટિપ આપી છે કે પ્રવાસ દરમિયાન વજનમાં હલકા હોય એવા વસ્ત્રો પહેરવા જોઈએ. આનું કારણ આ અભિનેત્રીઓ એવું આપે છે કે હળવા વજનનાં વસ્ત્રો પહેરવાથી પ્રવાસ આરામદાયક બની રહે છે. ફેશન એક્સપર્ટ્સે આને કમ્ફર્ટેબલ ટ્રાવેલ સ્ટાઈલ નામ આપ્યું છે.

સુદામાનગરી, ગાંધીબાપુની જન્મભૂમિ – પોરબંદર

0

રાષ્ટ્રપિતા મહાત્મા ગાંધી બાપુનું જન્મસ્થળ, વિશ્વના નકશા પર ગૌરવભર્યું સ્થાન ધરાવતું શહેર છે, પોરબંદર. ‘પૌર’ શબ્દ ‘વેપારીપ્રજા’નો વાંચક છે. ‘પોરબંદર’ એટલે વેપારી પ્રજાનું દરિયાકાંઠે વસેલું ગામ. ભગવાન શ્રી કૃષ્ણના પરમ સખા ભકત શ્રી સુદામાનું પુનિત સ્થાન જેટલું પ્રાચીન પોરબંદર શહેર સુદામાપુરી તરીકે પ્રસિદ્ધ થયું છે. બંદરગાહ શહેર પોરબંદર નેશનલ હાઈવે 8B, 8E દ્વારા રાજકોટ, અમદાવાદ, જામનગર, દ્વારકા, વેરાવળ, ભાવનગર જેવા ગુજરાતના અન્ય મોટા શહેરો સાથે જોડાયેલું છે. રેલવે સ્ટેશન ઉપરાંત એનું પોતાનું એરપોર્ટ પણ છે. પોરબંદરનો સાગર કિનારો સહેલાણીઓ માટે ફરવાનું અનોખું આકર્ષણ ધરાવે છે. ખાદી વણાટકામ વણકરોની રોજીરોટી છે, સોના-ચાંદીના દાગીના, હાથસાળની વણાટ, પાટી, દોરડા, ધાબળી, અન્ય-વણાટ કામગીરી, ખત્રીઓના રંગાટ-બાંધણી-પટોળાં, વોરાજી દ્વારા પોટાશ, રેશમ-જરીકામ, વાસણનું કલીકામ, ખમણ ઢોકળા (ફરસાણ) પોરબંદરની વિશેષતા છે.

હનીમૂન કે ફેમિલી વેકેશન ટુર કે વ્યક્તિગત પ્રવાસ-પર્યટન માટે પોરબંદરની મુલાકાત લેવા જેવી.

પોરબંદરના જોવાલાયક સ્થળોઃ

ચોપાટી બીચ

કીર્તિ મંદિર (મહાત્મા ગાંધીજીની જન્મભૂમિ)

કૃષ્ણ-સુદામા મંદિર

પક્ષી અભયારણ્ય

સરતાનજીનો ચોરો

જાંબુવન ગુફા

તારા મંદિર

ભારત મંદિર

શ્રી હરિ મંદિર

હરસિદ્ધિ માતા મંદિર

બિલેશ્વર મંદિર

પોરબંદરમાં આ ઉપરાંત બીજા પણ ઘણા જોવાલાયક સ્થળો છે જેમ કે, માધવપુર ઘેડ, ખિમેશ્વર મંદિર, રાણા બાપુનો મહેલ, રંગબાઈ બીચ, રોકડિયા હનુમાન મંદિર, ભૂતનાથ મહાદેવ મંદિર, સાઈબાબા મંદિર, કમલા નેહરુ પાર્ક, સુન્ની વોરા મસ્જિદ, રાણીબાગ પાર્ક, સત્યનારાયણ મંદિર, જડેશ્વર મંદિર, વિશ્વકર્મા  પ્રભુજી મંદિર, બાર્ડા હિલ્સ વાઈલ્ડલાઈફ સૅંક્ચ્યૂઅરી (અભયારણ્ય).

ભારતના બેસ્ટ વોટરસ્પોર્ટ્સ સ્થળ…

0

દેશના તેમજ વિદેશના વોટરસ્પોર્ટ્સ તથા એડવેન્ચરના શોખીનો માટે ઘણા સ્થળો છે જ્યાં તેઓ એમની જિંદગીની યાદગાર મજા માણી શકે છે. અનેક પર્યટકોએ પસંદ કરેલા એમાંના મુખ્ય સ્થળો આ છે…

ગોવા

ગોકર્ણ (કર્ણાટક)

આંદામાન ટાપુઓ

કેરળ

લદાખ (જમ્મુ-કશ્મીર)

ઋષિકેશ (ઉત્તરાખંડ)

નૈનિતાલ (ઉત્તરાખંડ)

કોવલોંગ અને મહાબલીપુરમ (તામિલનાડુ)

ગોવાના દરિયામાં જેટ સ્કીઈંગ, વિન્ડસર્ફિંગ પેરાસેઈલિંગ, વોટરસ્કીઈંગ, વેઈક બોર્ડિંગ, કાઈટ સર્ફિંગ, કેટામારન સેઈલિંગની મજા માણી શકાય છે. બાળકો માટે બનાના બોટ રાઈડ્સ છે. મોટે ભાગે લોકો વધારે વિકસીત એવા કાલંગુટ અને બાગા બીચ પર આનંદ માણવાનું પસંદ કરે છે. તે છતાં આખું ગોવા વોટરસ્પોર્ટ્સ માટે પ્રખ્યાત છે.

કર્ણાટકના ગોકર્ણના ઓમ બીચ પર વોટરસર્ફિંગની મજા કંઈ ઓર જ છે.

બંગાળના અખાતમાં આવેલા ભારતના કેન્દ્રશાસિત પ્રદેશ આંદામાન ટાપુ પર પેરાસેઈલિંગ, જેટ સ્કીઈંગ, સ્કૂબા ડાઈવિંગ, અન્ડરસી વોકિંગ જેવી મજા માણવા માટે પર્યટકો દેશ-વિદેશમાંથી આવે છે.

કેરળ રાજ્યની ખાડીઓ-નદીઓ-નહેરો કાયાકિંગ, કેનોઈંગ, બામ્બુ રેફ્ટિંગ માટે બેસ્ટ ગણાય છે. કેરાલા કાયાકિંગ એલેપ્પી શહેરથી દરરોજ કાયાકિંગ ટૂર યોજે છે.

હિમાલય પર્વતમાળામાં વસેલું લદાખ એવું સ્થળ છે જ્યાં દરિયાઈ સપાટીથી સૌથી ઊંચાઈ પર રીવર-રેફ્ટિંગની મજા કરાવે છે. ઝંસ્કાર નદી તો ખાસ એને માટે અનામત રાખવામાં આવી છે. અહીં રેફ્ટિંગ માટે જૂનથી ઓગસ્ટ બેસ્ટ સીઝન ગણાય છે.

ઋષિકેશમાં ગંગા નદીમાં રીવર રેફ્ટિંગ અને કાયાકિંગના શોખીનો મોટી સંખ્યામાં આવે છે. રીવર રેફ્ટિંગની સાથે કેમ્પિંગ, ટ્રેકિંગનો પણ લોકો આનંદ લે છે.

નૈનીતાલના, ભીમતાલ સરોવરમાં વોટર ઝોબિંગ શરૂ કરવામાં આવ્યું છે જેણે પર્યટકોમાં ઘેલછા ઊભી કરી છે. નૈનીતાલના સરોવરોમાં કાયાકિંગ અને બોટિંગ ટૂરિસ્ટ્સમાં બિગ હિટ છે.

તામિલનાડુના ચેન્નાઈની દક્ષિણે આવેલું કોવલોંગ માછીમારીની સાથોસાથ સર્ફિંગ વિલેજ તરીકે જાણીતું થયું છે. ત્યાંના બીચ ઉપર સર્ફિંગ સુવિધાઓની સાથે ગેસ્ટ રૂમ્સ અને કેફે સવલત પણ શરૂ કરાઈ છે. થોડેક જ દૂર આવેલા મહાબલીપુરમમાં પણ આ જ પ્રકારની મજા માણી શકાય છે.

પાંચ ઓફ્ફ-બીટ વીકએન્ડ સ્થળો…

0

મુંબઈથી બહુ દૂર જવું ન હોય, પણ સાથોસાથ મુુંબઈના ધમાલીયા જીવનથી સહેજ છટકવું હોય તો, થોડેક દૂર શાંતિ, સાહસ, કુદરતી સૌંદર્યનો અનુભવ કરાવે એવા આ પાંચ સ્થળો છે. નોંધી લો…

1.

કામશેટ (મુંબઈ શહેરથી લગભગ 110 કિ.મી.ના અંતરે)

પેરાગ્લાઈડિંગ અને ટ્રેકિંગ જેવા એડવેન્ચરના શોખીન માટે. કુદરતી સૌંદર્ય પણ અદ્દભુત છે. સદીઓ પુરાણી કાર્લા ગુફાઓ આવેલી છે. કામશેટમાં રેલવે સ્ટેશન છે. મુંબઈથી ટેક્સી અથવા ખાનગી કે એસ.ટી. બસ દ્વારા બે કલાકમાં કામશેટ પહોંચી શકાય. કામશેટ લોનાવલાથી માત્ર 16 કિ.મી. દૂર આવેલું છે.

2.

જવ્હાર (મુંબઈથી લગભગ 180 કિ.મી. દૂર)

સહ્યાદ્રી પર્વતમાળાની ગોદમાં આવેલું છે. પર્વતોની હારમાળા જોવાનો આનંદ માણવા જેવો છે. લીલીછમ હરિયાળી પણ ભરપૂર છે. વાર્લી આદિવાસી સંસ્કૃતિ અને કળા જોવા મળે છે. મુંબઈથી જવ્હાર જવા માટે બસ ઉપલબ્ધ સેવા છે. કેબ/ટેક્સી દ્વારા પણ કસારા-ખોડાલા થઈને જવ્હાર જઈ શકો. ટ્રેનમાં જવું હોય તો નાશિક સુધી (80 કિ.મી.) અથવા ઈગતપુરી (61 કિ.મી.) સુધી ટ્રેન જાય છે ત્યાંથી રોડ માર્ગે જવ્હાર બહુ નજીક છે.

3.

ઈગતપુરી (મુંબઈથી 120 કિ.મી. દૂર)

આજુબાજુ ખીણ આવેલી છે, જે જોઈને રોમાંચ જાગે. ધમ્માગિરી મેડિટેશન સેન્ટર માટે ખાસ જાણીતું છે. જૂનથી સપ્ટેંબર અને નવેમ્બરથી માર્ચ મહિનાઓ અહીંના પ્રવાસ માટે ઉત્તમ ગણાય. કેમલ વેલી, કલસુબાઈ શિખર, ટ્રિંગલવાડી કિલ્લો, આર્થર લેક, ભાત્સા રીવર વેલી, અમૃતેશ્વર મંદિર જોવા જેવા છે. મુંબઈથી ટ્રેન દ્વારા બે કલાક 40 મિનિટમાં પહોંચી શકાય. ઘણી ટ્રેનો ઉપલબ્ધ છે, જેમ કે મહાનગરી એક્સપ્રેસ, ગીતાંજલી એક્સપ્રેસ, મુંબઈ સીએમએસટી-તપોવન એક્સપ્રેસ, લોકમાન્ય તિલક ટર્મિનસ-નાગપુર એક્સપ્રેસ. મુંબઈથી રોડ માર્ગે પણ ઈગતપુરી જઈ શકાય છે.

4.

દિવેઆગર, શ્રીવર્ધન અને હરિહરેશ્વર (મુંબઈથી 190 કિ.મી. દૂર)

આ ત્રણેય સ્થળ મહારાષ્ટ્રમાં રાયગડ જિલ્લામાં આવેલાં છે. હરિહરેશ્વરને દક્ષિણનું કાશી ગણવામાં આવે છે. ભગવાન શંકરના ભક્તો માટે જાણીતું તીર્થક્ષેત્ર છે. દિવેઆગર સ્વચ્છ દરિયાકિનારાઓ માટે જાણીતું છે. શ્રીવર્ધન પેશ્વાઓના કાળનું ઐતિહાસિક મહત્વ ધરાવે છે. નિકટનું રેલવે સ્ટેશન (કોંકણ રેલવે) માનગાંવ છે. ત્યાંથી દિવેઆગર 40 કિ.મી. દૂર આવેલું છે. રોડ માર્ગે દિવેઆગર માટે બસ સેવા છે. દિવેઆગરથી રોડ માર્ગે અનુક્રમે 22 કિ.મી. અને 36 કિ.મી.ના અંતરે આવેલા શ્રીવર્ધન અને હરિહરેશ્વર પહોંચી શકાય છે.

5.

સાંધણ વેલી (મુંબઈથી 185 કિ.મી. દૂર)

આ સ્થળ વેલી ઓફ શેડોઝ તરીકે જાણીતું છે. સહ્યાદ્રી વેસ્ટર્ન ઘાટ વિસ્તારમાં આવેલું છે. ટ્રેકિંગ માટે પ્રસિદ્ધ. ચંદ્રના પ્રકાશમાં કેમ્પિંગ કરવાનો અનેરો આનંદ મળે છે. મુંબઈમાં મધ્ય રેલવે વિભાગમાં કસારા જતી તરફ જતી ટ્રેનમાં જવાય. મુંબઈથી લગભગ બે કલાક 35 મિનિટે કસારા પહોંચાય. ત્યાંથી કાર કે જીપ દ્વારા આગળ જવાય. કસારા અને સાંધણ વેલી વચ્ચે લગભગ 80 કિ.મી.નું અંતર છે. મતલબ કે લગભગ અઢી કલાક. ઈગતપુરીથી બસ કે કાર દ્વારા પણ સાંધણ વેલી જઈ શકાય.

પ્રવાસની સાથે ટેસ્ટી વાનગીઓ ખાવાની મજા…

0

રજામાં ફરવા જાવ ત્યારે જે તે પર્યટન સ્થળની વિશિષ્ટ વાનગીનો સ્વાદ પણ માણવો જોઈએ. પરંતુ એ માટેની જાણકારી અગાઉથી મેળવી રાખી હોય તો તમારા પ્રવાસની મજા ડબલ થઈ શકે. ભારતમાં અસંખ્ય પર્યટન સ્થળોના જોવાલાયક સ્થળોની સાથોસાથ ત્યાં વખણાતા ભોજન તથા સ્વાદિષ્ટ ખાદ્યપદાર્થોની પણ જાણકારી મેળવી લેવી જોઈએ. અમુક સ્થળની જાણકારી આ રહી…

મુંબઈઃ વડા પાંઉ, ઉસળ અને મિસળ-પાંઉ, સેન્ડવિચ, ચોપાટી પરની ભેલપુરી-દહીં બટાટાપુરી.

દિલ્હીઃ ચાંદની ચોકમાં પરાંઠેવાલી ગલીના પરોઠા, છોલે-ભટૂરે, ચાટ, આલૂ ચાટ

વારાણસીઃ ગંગા ઘાટ ખાતે ચાટ, ગોલગપ્પા, રાબડી મીઠાઈ.

રાજસ્થાનઃ દાલ-બાટી, બેસનના ગટ્ટાનું શાક, કઢી, દહીંવડા.

કોલકાતાઃ વિવેકાનંદ પાર્કમાં આલૂ ફુચકા, ભરવાં પરોઠા, ચાઈનીઝ ફૂડ.

ગુજરાતઃ ભાવનગર (ગાંઠિયા), અમદાવાદ (ભજીયા), પોરબંદર (ખાજલી), રાજકોટ (પેંડા), ખંભાત (હલવાસન), સુરત (ઘારી, ઊંઘીયું, લોચો), કચ્છ (દાબેલી), વડોદરા (લીલો ચેવડો), ભરૂચ (ખારી શિંગ), આણંદ (દાળ વડા).

પ્રવાસમાં સરળતા રહે એ માટે…

0

વિદેશમાં કે ભારતના કોઈ રાજ્યમાં પ્રવાસ કરવા જતા પહેલાં જે તે રાજ્ય કે વિસ્તારના સ્થાનિક ભાષાના અમુક સામાન્ય શબ્દો સમજતાં-બોલતાં શીખી લેવા જોઈએ. જેમ કે ‘પ્લીઝ’, ‘થેંકયૂ’, ‘આઈ એમ સોરી’ જેવા શબ્દોને સ્થાનિક ભાષાઓમાં કઈ રીતે બોલાય છે એ પ્રવાસે જતા પહેલાં શીખી લેવું જોઈએ જેથી ત્યાં ગયા પછી ત્યાંના લોકો સાથેનાં વ્યવહારમાં સરળતા રહે.

ટ્રાવેલિંગ દરમિયાન ત્વચાની દેખભાળ…

0

પ્રવાસ કરતી વખતે ધૂળ, તડકો, પ્રદૂષણના સંપર્કમાં આવવાથી ત્વચા સૂકી, શ્યામ અને નિસ્તેજ થઈ જતી હોય છે. એની સંભાળ રાખવા માટે આટલું કરશોઃ

  • ફેસવોશ, મોઈસ્ચરાઈઝર, સનસ્ક્રીન વગેરે સાથે રાખવા.
  • ક્લીન્ઝિંગ મિલ્ક સાથે રાખવું. લાંબી સફરમાં દિવસમાં બે વાર, ટૂંકી સફરમાં એક વાર ચહેરા પર લગાડવું. ત્યારબાદ ચહેરા પર ટોનર લગાડવું.
  • પર્સમાં લિપ બામ રાખવું, હોઠને મોઈસ્ચરાઈઝ કરવા. ખાસ કરીને એરકન્ડિશન્ડ કોચમાં પ્રવાસ કરતા હો ત્યારે. એનાથી હોઠ સૂકા નહીં પડે.
  • હેવી મેકઅપ ન કરવો. હોઠ પર લાઈટ શેડની લિપસ્ટિક લગાડવી.
  • હાથમાં રૂમાલ રાખવો, એનાથી ચહેરો થોડી-થોડી વારે લૂછતાં રહેવો, એનાથી ધૂળ નહીં બાઝે, ચહેરો સાફ-ફ્રેશ લાગશે.
  • આંખોની કાળજી લેવા સનગ્લાસ પહેરી રાખવા.
  • કોલ્ડ ડ્રિન્ક પીવાનું ટાળવું, પણ પાણી ભરપૂર પીવું. એનાથી ત્વચામાં ભેજ (મોઈસ્ચર) જળવાશે.

બરફની ચાદરમાં આળોટવા જતી વખતે…

0

અત્યારે શિયાળાની મોસમ ચાલે છે અને ઠંડી જોર પકડી રહી છે. આવી મોસમમાં બરફીલા વિસ્તારોમાં ફરવા જવાનું કોને ન ગમે. પણ ત્યાં જતી વખતે કેટલીક તકેદારી લેવી જરૂરી છે. ફર્સ્ટ એઈડ કિટ સાથે જ રાખવી. શરીરનો ઘણો ખરો ભાગ ઢાંકીને રાખવો અને સન સ્ક્રીન લોશન કાયમ સાથે રાખવું. ડબલ વસ્ત્રો પહેરવા અને એની ઉપર વોટરપ્રૂફ જેકેટ પહેરવું જેથી હિમવર્ષાનો આનંદ માણતી વખતે અંદરના કપડાં ભીનાં ન થાય. ટોપી અને નેકગાર્ડ પહેરવા. નાકને પણ નેકગાર્ડ કે મફલર વડે કવર કરવુંં. તંગ કપડાં ન પહેરવા. સવાર-બપોરે કાળા ચશ્મા પહેરવા જેથી સૂરજના તડકામાં ચમકતા બરફથી આંખોને હાનિ ન પહોંચે. બરફમાં સ્કીઈંગ કરતી વખતે હેલમેટ ખાસ પહેરવી.

પ્રવાસ દરમિયાનની તકેદારી…

0

પ્રવાસ દરમિયાન અને એ પૂરો કરી લીધા બાદ ઓછામાં ઓછા ૨૪-કલાક સુધી વધુ પાણીયુક્ત ખાદ્યપદાર્થ લેતા રહેવા જોઈએ, શુદ્ધ જળ ખૂબ પીવું જોઈએ અને તળેલી ચીજવસ્તુઓ ખાવી ન જોઈએ.

WAH BHAI WAH