Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

Cooking Tips

રીંગણા નથી ભાવતા? પણ…આ શાક ભાવશે….

0

સામગ્રીઃ 5-6 રીંગણા, 3 ચમચા તેલ રીંગણા સાંતડવા માટે, 2 ચમચા તેલ વઘાર માટે, મરચાં પાવડર 1 ચમચી, ધાણાજીરૂં 1 ચમચી, હળદર ¼ ચમચી, ગરમ મસાલો ¼ ચમચી, મીઠું સ્વાદાનુસાર, દહીં 1 કપ, ચણાનો લોટ 2 ચમચા, આદુ-લસણની પેસ્ટ 1 ચમચી, 1 કાંદો ઝીણો સમારેલો, કોથમીર ½  કપ ઝીણી સમારેલી

રીતઃ રીંગણા ધોઈને દરેકને 4 ઉભી ચીરીમાં સુધારી દો. એક કડાઈમાં 3 ચમચા તેલ લઈ રીંગણ સાંતડી લો. ગુલાબી રંગના થાય એટલે બીજી પ્લેટમાં કાઢી લો. ફરીથી કડાઈમાં 2 ચમચા તેલ લઈ જીરા-હીંગનો વઘાર કરી કાંદો સાંતડી લો. તેમજ આદુ-લસણની પેસ્ટ પણ સાંતડી લો. બધો સૂકો મસાલો નાખીને 2 મિનિટ સાંતડીને 1 કપ પાણી તેમજ દહીં વલોવીને ઉમેરી દો. મિશ્રણ પાંચ-સાત મિનિટ થવા દો. હવે સાંતળેલા રીંગણા નાખીને ફરીથી કડાઈ ઢાંકીને 5-10 મિનિટ સુધી શાક રંધાય એટલે શાક ગેસ પરથી નીચે ઉતારીને કોથમીર ભભરાવી દો.

ઘરમાં હાથવગી સામગ્રીથી બનતો નાસ્તો

0

સામગ્રીઃ 1 કપ પૌંઆ, 2-3 ચમચા ચોખાનો લોટ, 2-3 ચમચા ચણાનો લોટ, લીલા કાંદા ½ કપ, આદુ ખમણેલું ¼ ચમચી, 3-4 મરચાં ઝીણાં સમારેલા, 1 ચમચી વરિયાળી, મીઠું સ્વાદાનુસાર, ચપટી હિંગ, કોથમીર ઝીણી સમારેલી 2 ચમચી, ખમણેલું લીલું નાળિયેર

રીતઃ પૌંઆને બે વખત પાણીથી ધોઈને 5-10 મિનિટ સુધી પાણીમાં પલાળી રાખો. પછી એમાંથી પાણી નિતારી  લો. અને 10-15 મિનિટ સુધી પૌંઆ નરમ થાય ત્યાં સુધી રહેવા દો. જો પૌંઆ સૂકા થઈ જાય તો થોડું પાણી લઈને પૌંઆ પર છંટકાવ કરો.  હથેળીમાં થોડાં પૌંઆ લઈને વડાની જેમ વાળો, જો આકાર બરાબર વળે તો બધા પૌંઆમાં ઉપર આપેલી બધી સામગ્રી મેળવી દો અને એના ગોળા વાળીને તેલમાં તળી લો. (પુરણ નરમ લાગે તો એમાં લોટ ઉમેરી શકો છો.)

લીલવા તુવેરની વાનગી

0

સામગ્રીઃ 2 કપ ચોખાનો લોટ (શેકેલો), ½ કપ જુવારનો લોટ (શેકેલો), 1 કપ લીલાં તુવેર દાણાં, 1 ½  ટી.સ્પૂન સફેદ તલ, ¼ ટી.સ્પૂન અજમો, ¼ ટી.સ્પૂન હિંગ, ¼ ટી.સ્પૂન હળદર, 1 ટી.સ્પૂન ગરમ મસાલો, 1 ટે.સ્પૂન ધાણાંજીરૂ પાવડર, 1 ટે.સ્પૂન લાલ મરચાં પાવડર, 2 ટે.સ્પૂન આદુ-મરચાંની પેસ્ટ, 2 ટે.સ્પૂન લીંબુનો રસ, 1 ટે.સ્પૂન ગોળ, 4-5 કળી લસણ ઝીણું સમારેલું, મીઠું સ્વાદાનુસાર, તેલ તળવા માટે, કોથમીર ½ કપ ઝીણી સમારેલી.

રીતઃ તુવેર દાણાંને પાણીમાં થોડું મીઠું નાખીને બાફી લો.

એક ઊંડા વાસણમાં 2 ટે.સ્પૂન તેલ લઈ અજમા, તલ તેમજ હિંગનો વઘાર કરો. હવે એમાં લસણ તેમજ આદુ-મરચાંની પેસ્ટ સાંતડીને ગરમ મસાલો, મરચું તેમજ ધાણાંજીરૂ પાવડર નાખો. અડધી મિનિટ સાંતડીને 2-3 કપ પાણી ઉમેરો. પાણી થોડું ઉકળે એટલે એમાં ગોળ નાખો. ગોળ ઓગળે એટલે લીંબુનો રસ, બાફેલાં તુવેર દાણાં તેમજ બંને લોટ ધીમે ધીમે ઉમેરીને મિક્સ કરી દો, સાથે સમારેલી કોથમીર પણ ઉમેરી દો. મધ્યમ આંચે પાણી સૂકાવા દો.

પાણી સૂકાય એટલે એમાંથી થોડું મિશ્રણ હાથમાં લઈ ચપટો ગોળો વાળી જુઓ, જો ગોળો વળે તો મિશ્રણ ગેસ પરથી ઉતારી લો. મિશ્રણ થોડું થંડું થાય એટલે 1 થી 1 ½  ઈંચના ચપટાં ગોળા વાળી લો. અને થોડાં થોડાં કરીને બધાં ગોળા તેલમાં તળી લો. લીલી ચટણી તેમજ ટોમેટો સોસ સાથે તુવેરનાં વડા ઢેકરા પીરસો.

 

ચણાના લોટનાં ઢોકળાં

0

સામગ્રીઃ ચણાનો લોટ ૧૦૦ ગ્રામ, રવો ૧૦૦ ગ્રામ, દહીં ૨૦૦ ગ્રામ, ચપટી હળદર, મીઠું સ્વાદાનુસાર, ૧ ચમચી ઈનો પાવડર, પાણી

વઘાર માટેઃ તેલ, રાઈ, ૨- ૩ લીલાં મરચાં, મીઠું, થોડી સાકર (optional) કોથમીર, થોડું ખમણેલું નાળિયેર,

રીતઃ ઉપર આપેલી સૂકી સામગ્રી તેમજ દહીં મિક્સ કરીને જોઈતા પ્રમાણમાં પાણી ઉમેરી ખીરૂં તૈયાર કરી લો. દરમ્યાન, ઢોકળાના વાસણમાં પાણી રેડીને એક જાળી મૂકો તેના પર તેલ ચોપડેલી થાળી મૂકો. હવે ખીરામાં એક ચમચી તેલ તેમજ એક ચમચી ઈનો પાવડર નાંખી ચમચાથી હલાવો, જેવું ખીરૂં ફુલવા લાગે અથવા ઉપર આવવા માંડે કે તરત થાળીમાં રેડી દો અને ઢાંકી દો. ૨૦-૨૫ મિનિટ બાદ ચપ્પુ ઢોકળામાં નાખી જુઓ, જો મિશ્રણ ચપ્પુ પર ના ચોંટે તો સમજવું ઢોકળા તૈયાર છે. થાળી નીચે ઉતારી લો.

તેલ વઘાર માટે મૂકી રાઈ નાખ્યા બાદ તતડે એટલે મરચાં ઉભાં ચીરીને તેલમાં નાંખો અને 1 વાટકી પાણી નાંખો અને તેમાં મીઠું તેમજ સાકર ઉમેરો. પાણીમાં એક ઉભરો આવે પછી એક લીંબુ નિચોવીને ગેસ બંધ કરી દો. હવે એક ચમચી વડે વઘાર ઢોકળાંની થાળી પર રેડી દો અને ઢોકળાના પીસ કરી લો. ઉપરથી ઝીણી સમારેલી કોથમીર અને કોપરાંનું છીણ પાથરી દો.

નાસ્તામાં ઈડલીની વેરાયટી, જે મોઢામાં પાણી લાવે…

0

ઈડલીના વઘાર માટેની સામગ્રીઃ 5-6 ઈડલી, ½  કપ મેંદો, ¼ કપ કોર્ન ફ્લોર, મીઠું સ્વાદાનુસાર, 1 ચમચી કાશ્મીરી લાલ મરચાં પાવડર, ¼ ચમચી કાળાં મરી પાવડર, 1 ચમચી સોયા સોસ, તળવા માટે તેલ

સોસ માટે સામગ્રીઃ 1 કાંદો, 3 કળી લસણ, 1 ઈંચ અદરખનો ટુકડો, 1 નાનું સિમલા મરચું, 2-3 લીલા કાંદા, પા કપ ટોમેટો સોસ, 2 ચમચી સોયા સોસ,  2 ચમચી તેલ, 1-2 લીલાં મરચાં, મીઠું સ્વાદાનુસાર

રીતઃ બધી ઈડલીના 4 ભાગમાં ટુકડા કરો.

વઘાર માટે આપેલી બધી સામગ્રી ભેગી કરીને પાણી વડે ખીરૂં બનાવી લો. એમાં ઈડલીના ટુકડા બોળીને ગરમ તેલમાં તળી લો. તળેલી બધી ઈડલીને પેપર ટોવેલ પર તેલ નિતારવા મૂકી દો.

સોસ બનાવવા માટેની રીતઃ  એક કઢાઈમાં 2 ચમચા તેલ વઘાર માટે મૂકી દો એમાં ઝીણાં સમારેલાં આદુ, લસણ, લીલાં મરચાં તેમજ કાંદો ગુલાબી રંગ થાય ત્યાં સુધી સાંતડો. હવે એમાં નાનાં ચોરસ સુધારેલાં સિમલા મરચાંને સાંતડો. 5-10 મિનિટ બાદ એમાં ટોમેટો સોસ, સોયા સોસ, મીઠું ઉમેરીને ઝીણો સુધારેલો લીલો કાંદો ઉમેરી દો. 5 મિનિટ બાદ તળેલી ઈડલી આ સોસમાં મિક્સ કરી દો. 2 મિનિટ બાદ ગેસ પરથી ઉતારી દો. આ ઈડલી વેજ ફ્રાઈડ રાઈસ સાથે પીરસો.

ચણાની દાળના વડાં

0

સામગ્રીઃ 1 કપ ચણાની દાળ, ½ ચમચી આદુ ઝીણું ખમણેલું, 3-4 લીલાં મરચાં ઝીણાં સમારેલાં, 2-3 કળી લસણ, 2 ચમચા ચોખાનો લોટ, અડધી ચમચી વરિયાળી (સ્વાદ પસંદ હોય તો), પા ચમચી અધકચરાં વાટેલાં કાળાં મરી, ઝીણી સમારેલી કોથમીર, 1 મોટો કાંદો ઝીણો સમારેલો અને (ફ્લાવર પસંદ હોય તો નાનાં ટુકડામાં સમારેલું ફ્લાવર ½ કપ નાંખી શકો છો.)

રીતઃ ચણાની દાળ 2-3 વાર પાણીથી ધોઈને 3-4 કલાક માટે પાણીમાં પલાળી રાખો. એક મુઠ્ઠી ચણાની દાળ બાજુએ રાખી દો અને બાકીની દાળમાં લસણ ઉમેરીને પાણી નાખ્યા વગર મિક્સરમાં કરકરું દળી લો. આ મિશ્રણમાં બાકી રાખેલી આખી દાળ તેમજ બાકીની સામગ્રી ઉમેરી દો. એક કડાઈમાં તેલ લઈ ગરમ કરવા મૂકો. અને એક બાઉલમાં પાણી લઈ રાખો. હવે હાથ પાણીવાળા કરી મિશ્રણમાંથી થોડું ખીરૂં લઈ ચપટો ગોળો વાળો અને ગરમ તેલમાં છોડો. આ જ રીતે બધાં ગોળા વાળીને તળી લો.

 

૧૦ મિનિટમાં રબડી તૈયાર!!!

0

સામગ્રીઃ 4 કપ મલાઈવાળું દૂધ, 2-3 ચમચા સાકર, 1 ચમચી એલચી પાવડર, 6-7 તાર કેસર અડધા કપ દૂધમાં પલાળેલું, 1 કપ તાજું પનીર, 1½  કપ માવો, 8-10 બદામ-પિસ્તા, 1 ચમચી ગુલાબનું એસેન્સ

રીતઃ એક જાડા તળિયાવાળી કઢાઈમાં દૂધ ગરમ કરવા મૂકો. દૂધમાં એક ઉભરો આવે એટલે ગેસની આંચ મધ્યમ કરી દો. પનીર તેમજ દૂધનો માવો લઈ એને ક્રમ્બલ એટલે કે એનો બારીક ભૂકો કરીને દૂધમાં હળવે હળવે ઉમેરી દો. 5-10 મિનિટ સુધી એક લાંબો ઝારો લઈ દૂધમાં હલાવતાં રહો, જેથી દૂધ કઢાઈમાં નીચે ન ચોંટે. હવે એલચી પાવડર, ગુલાબ જળ તથા દૂધમાં ઓગાળેલું કેસર દૂધમાં મેળવી ગેસ બંધ કરી કઢાઈ નીચે ઉતારી લેવી અને એમાં કાજુ તેમજ બદામની કાતરી મિક્સ કરી દો. ઈન્સ્ટન્ટ રબડી તૈયાર છે.

પૌષ્ટિકતાસભર નાચણીના લાડુ

0

સામગ્રીઃ 1 કપ નાચણીનો લોટ, 5-6 ટેબલ સ્પૂન ઘી, 5 ટેબલ સ્પૂન બુરૂં સાકર, ¼ ચમચી એલચી પાવડર

રીતઃ એક કઢાઈમાં ઘી ગરમ થાય એટલે નાચણીનો લોટ ગુલાબી રંગનો થાય ત્યાં સુધી શેકી લો. હવે ગેસ બંધ કરી કઢાઈ નીચે ઉતારી એમાં બુરૂં સાકર તેમજ એલચી પાવડર ઉમેરી દો અને લાડુ વાળી દો.

બટેટા તેમજ ગુલકંદના ગુલાબજાંબુ

0

ફરાળી ગુલાબજાંબુ માટે સામગ્રીઃ બાફેલાં બટેટા 250 ગ્રામ, માવો – 100 ગ્રામ, આરારોટ – 50 ગ્રામ, થોડું દૂધ, ગુલાબજાંબુ તળવા માટે ઘી, તેમજ થોડો ગુલકંદ

ચાસણી માટે સામગ્રીઃ 2 કપ ખાંડ, 2 ½ કપ પાણી, 1 ચમચી એલચી પાવડર, થોડું કેસર, ગુલાબની પાંખડીઓ

રીતઃ ગુલાબજાંબુ માટે આપેલી સામગ્રીમાં ઘી અને ગુલકંદ સિવાયની બધી વસ્તુઓ લઈ થોડું દૂધ લઈ હળવે હાથે લીસો  લોટ બાંધો. લોટ બંધાય એટલે થોડો લોટ લઈ તેની થેપલી કરી એમાં થોડું ગુલકંદ ઉમેરીને એના ગોટી જેવા નાનાં ગોળા વાળો. આ જ રીતે બધાં ગોળા વાળવા. ત્યારબાદ કોટનનો પાતળો રૂમાલ પાણીમાં નિચોવીને બધાં ગોળા ઢંકાય એમ ઢાંકી દો. થોડી વાર પછી ઘીમાં ધીમે તાપે ગોળા તળી લો.

ચાસણી માટે એક તપેલામાં પાણી અને ખાંડ ભેગા કરી ગેસ પર ઉકળવા મૂકો. એક તારની ચાસણી તૈયાર થાય એટલે એલચીનો ભૂકો તેમજ થોડું કેસર અને ગુલાબની પાંખડીઓ ઉમેરી દો. ચાસણી મધ્યમ ઠંડી થાય એટલે ગુલાબજાંબુ એમાં ઉમેરી દો. અને એક કલાક રહેવા દો.

પકોડા તે પણ હેલ્ધી!!

0

પાલખ પકોડા બનાવવા માટે પાલખના પાનની દાંડીઓ તોડી લો. બધાં પાનને સરખાં પાણીમાં ધોઈને પેપર પર મૂકીને પાણી નિતારી લો.

હવે, પકોડા માટે ખીરૂં બનાવવા માટે ચણાના લોટમાં થોડો અજમો, થોડા સફેદ તલ, ચપટી હીંગ, આદુ-મરચાંની પેસ્ટ (તમે ઈચ્છો તો લાલ મરચાં પાવડર પણ ઉમેરી શકો છો),  મીઠું સ્વાદાનુસાર,  ચપટી સોડા ખાર લઈ બધી સામગ્રી ભેગી કરી થોડું પાણી નાખી ખીરૂં બનાવો.

કઢાઈમાં તેલ ગરમ કરવા મૂકો. તેલ ગરમ થાય એટલે પાલખનાં એક-એક પાન લઈ ખીરામાં બોળીને તેલમાં તળી લો. બધાં ભજીયા તૈયાર થાય એટલે પ્લેટમાં મૂકતી વખતે દરેક ભજીયા પર ચાટ મસાલો છાંટી દો. આ ભજીયા લીલી ચટણી અથવા ટોમેટો સોસ સાથે પીરસો.

WAH BHAI WAH