Share on FacebookTweet about this on TwitterShare on Google+Pin on PinterestEmail this to someoneShare on LinkedInShare on TumblrPrint this page

નવી દિલ્હી- કશ્મીરમાં હિંસા ફેલાવવા માટે આતંકવાદીઓને પાકિસ્તાન પાસેથી ફંડ અને હથિયાર મળે છે તે જગજાહેર વાત છે. પાકિસ્તાની સૈન્ય આતંકવાદીઓને ભારતમાં ઘૂસણખોરી માટે પ્રોટેક્શન ફાયર પણ કરે છે. સીઝફાયરનું ઉલ્લંઘન કરી આતંકવાદીઓનો મદદ પુરી પાડવી એ પાકિસ્તાનની રણનીતિનો એક ભાગ છે. પરંતુ આ સમગ્ર રમતમાં હવે ચીન પણ સામેલ થયું  છે.

કશ્મીરના મુખ્યપ્રધાન મહેબૂબા મુફ્તીએ નવી દિલ્હી ખાતે ગૃહપ્રધાન રાજનાથ સિંહ સાથે મુલાકાત કરી હતી. જેમાં કશ્મીર મુદ્દે ચીન હસ્તક્ષેપ કરી રહ્યું હોવાની વાત જણાવી હતી.

મહેબૂબા મુફ્તીએ રાજનાથ સિંહને 10 જુલાઈના રોજ અમરનાથ યાત્રા પર થયેલા આતંકવાદી હુમલા બાદ કશ્મીરની સ્થિતિ અંગે માહિતી આપી. રાજનાથ સિંહ સાથેની મુલાકાતમાં બંને નેતાઓએ સુરક્ષા વ્યવસ્થા પર વાતચીત કરી અને સાથે જ શ્રધ્ધાળુઓ અને પર્યટકોને સુરક્ષિત વાતાવરણ પુરુ પાડવા અંગે પણ ચર્ચા કરવામાં આવી હતી.

મહેબૂબા મુફ્તીએ કહ્યું કે, હાલમાં કશ્મીર લો એન્ડ ઓર્ડરની લડાઈ લડી રહ્યું છે. જ્યાં સુધી સમગ્ર દેશ અને રાજકીય પાર્ટી સાથ નહીં આપે, ત્યાં સુધી આ લડાઈ જીતી શકાય નહીં. વધુમાં મુફ્તીએ કહ્યું કે, કશ્મીરને અશાંત કરવામાં વિદેશીઓનો હાથ છે અને હવે તેમાં ચીન પણ માથું મારી રહ્યું છે. સીએમનો સ્પષ્ટ ઈશારો હતો કે ચીન કશ્મીરમાં શાંતિ ડોહળવાનો પ્રયાસ કરી રહ્યું છે અને પાકિસ્તાનને મદદ કરી રહ્યું છે.


Stay updated on the go with Chitralekha News App. Click here to download it for your device.
VIDEOS